Tito 1:15 - MUMA MALER 2015

¹⁵ Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Motingʼo Loko Manyien

¹⁵ Gik moko duto ler mana ni jomaler, to kuom joma okethore ma ok oyie to onge gima ler. Chutho, pachgi kaachiel gi chunygi monego onyisgi kethogi osetho.

Tito 1:15 ပူးပေါင်းရင်းမြစ်များ

Ngeche 21:4

Wang’teko kod sunga ema otelo ni joma timbegi mono, to mano en richo.

Ngeche 30:12

Nitie ji moko ma paro ni ler, to adier pok opwodhgi.

Hagai 2:13

Hagai nodhi nyime kapenjogi niya, “To ka ng’ato omulo ringre ng’at motho, mi koro odoko mogak, bang’e ogere kuom gimoro, koro gino bende didok mogak koso?” Jodolo nodwoke niya, “Dodok mogak.”

Mathayo 15:18

To gik mawuok e dho dhano a mana e chunye, kendo mago ema miyo odoko jaketho,

Tich Joote 10:15

Eka dwol nochako owuoyo kode mar ariyo ni, “Gimoro amora ma Nyasaye owacho ni ler, in kik iwach ni ok ler.”

Jo-Rumi 14:14

Ang’eyo maber chutho kaka ja-Kristo, ni onge chiemo moro ma inyalo luongo ni kuero. To ka ng’ato paro ni gimoro en gima kuero, to gino bedone mana kuero.

Jo-Rumi 14:20

Kik iketh tich Nyasaye mana nikech wach chiemo. En adier ni onge chiemo moro makuero, to kichamo gimoro mamiyo ng’ato podho, to iketho.

Jo-Rumi 14:23

To ng’at ma chiemo ka riwo gi kiawa, to bura oloyo, nikech gima otimo ok otim kong’eyo ni kare. Gimoro amora ma ng’ato otimo ka onge gi ratiro ni en gima kare, to en richo.

1 Jo-Korintho 10:23

Uwacho niya, “Ng’ato nigi thuolo mar timo gimoro amora.” Ee, mano adier, to kata kamano gik moko duto ok konywa. Ee, wan thuolo mar timo gimoro amora, to gik moko duto ok kelnwa dongruok.

1 Jo-Korintho 10:25

Chamuru ring’o duto ma ung’iewo e chiro, ma ok uchich gi weche moko e chunyu,

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

1 Jo-Korintho 8:7

To ji duto ok ong’ieyo wachno, nikech jomoko ngimagi ong’iyo gi nyiseche manono kendo kata mana sani gichamo chiemogo ka giparo ni adier otimgo misango ni nyiseche manonogo, kendo kaka chunygi nyap, giparo ni chiemogo osemiyo gidonjo e richo.

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.