Tito 1:12 - MUMA MALER 2015

¹² Janabi moro ma ja Krete wadgi nowacho niya, “Pile jo-Krete gin jomriambo. Gin ondiegi maricho, kendo jowuoro ma josamuoyo.”

Motingʼo Loko Manyien

¹² Kata mana janabi moro ma margi owuon osewacho niya, “Jo-Krete riambo kinde duto, gin ondiegi malich ma timbegi richo kendo gin jowuoro ma budho abudha.”

Tito 1:12 ပူးပေါင်းရင်းမြစ်များ

Tich Joote 17:28

nikech kuome ema wadakie, kendo ema wawuothoe, bende ema wantie, mana kaka jondikou moko nowachoni, ‘Wan bende wan nyithindi.’

Tich Joote 2:11

Moko kuomwa gin jo-Yahudi, to moko bende gin jo-Krete gi jo-Arabu. To ere kaka wawinjo jogi kawuoyo kuom timbe madongo mag Nyasaye gi dhowa wawegi?”

Tich Joote 27:12

To bende dhowath kanyo ne ok ber moromo betie ndalo chwiri, omiyo ji mathoth ne dwaro a kanyo, ka giparo ni digichop Foiniks, mondo gibedie ndalo chwiri. Foiniks en dhowath Krete, momanyore gi milambo ma yo podho chieng’.

Tich Joote 27:13

Kane yamb milambo ochako kudho mos, ne gigalo ni ginwang’o gima gidwaro, omiyo ne wachako wuoth, mi wakwang’ madiny e lak dhonam Krete.

Tich Joote 27:7

Ne wakwang’ mos gi thagruok kuom ndalo mang’eny, eka ne wachopo e dho Kanido. To kaka yamo ne pod ok nyal weyo wadhi nyime tir, ne wakwang’ kwageng’ore e tiend chula mar Krete, kwakadho e bath sori miluongo ni Salmone.

Jo-Rumi 16:18

nikech ok gin jotich Ruodhwa Yesu Kristo, to gitiyo mana ni gombogi giwegi. Giwuondo joma kia gi weche mamit kendo malombo ji.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

1 Timotheo 4:2

Jopuonj mag miriambo ma parogi odinore ka gima owang’ gi nyinyo maliet nowuond ji,

Tito 1:5

Ne aweyo idong’ e chula mar Krete mondo ilos gik mane pod orem, kendo iyier jodong kanyakla mag jo-Kristo e mier duto, kaka ne achiki.

2 Petro 2:12

To jogo chalo gi le maonge rieko, mane onywol mana ni mondo omaki kendo onegi. Giwuoyo marach kuom gik ma gikia, omiyo gin bende notiekgi mana ka le maonge rieko.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.