Tim jo-Lawi 9:3 - MUMA MALER 2015

³ Bang’e chik jo-Israel mondo okaw nywok otimgo misango mar golo richo, kendo gikaw nyaroya gi nyarombo ma hikgi achiel achiel, maonge songa, mondo otimgo misango miwang’o pep,

Motingʼo Loko Manyien

³ Nyis jo-Israel kama: ‘Kawuru nywok maonge songa mondo utimgo misango mar golo richo, to nyaroya gi nyarombo mahikgi achiel kendo maonge songa mondo uchiw kaka misango miwangʼo pep.

Tim jo-Lawi 9:3 ပူးပေါင်းရင်းမြစ်များ

Chakruok 37:31

Owete Josef nonego diel, mi onyumo kandhu Josef e remb diendno.

Ezra 10:19

Ne gikuong’ore ni nyaka giriemb mondgigo, kendo ne giomo im e kweth obed misango mar golo richogi.

Ezra 6:17

Kane girwakogo, ne gitimo misango gi ruedhi mia achiel gi imbe mia ariyo ko nyirombe mia ang’wen, to bende ne gichiwo nyuogi apar gariyo, maromre gi kar romb dhout Israel, mi gitimogo misango mar golo richo ni oganda Israel duto.

Wuok 12:5

Chiayono nyaka bed nyarombo kata nyadiel ma dichwo ma jahiga achiel ma onge songa.

Isaya 53:10

To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Tim jo-Lawi 10:16

Musa nopenjo wach diel mane otimgo misango mar golo richo, mi ne onyise ni osewang’e. Omiyo mirima nomake gi Eleazar kod Ithamar ma yawuot Harun mane odong’. Nopenjogi niya,

Tim jo-Lawi 12:6

Ka kindene mar pwodhruok kuom nyathi ma wuowi kata manyako oserumo, to enokel nyaim mondo otimgo misango miwang’o pep, kaachiel gi nyathi akuru kata akuch odugla mondo otimgo misango mar golo richo, mi omi jadolo e dho Hemb Romo.

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 16:15

Bang’ mano noyang’ diel mitimogo misango mar golo richo ni oganda jo-Israel, mi noter rembe ei kama ogeng’ gi pasia, kendo nokir remono ewi raum, kendo e nyim raum, mana kaka nokiro remb rwath.

Tim jo-Lawi 16:5

Enokaw nyuogi ariyo kuom oganda jo-Israel mondo otimgo misango mar golo richo, kendo im achiel mondo otimgo misango miwang’o pep.

Tim jo-Lawi 23:12

To chieng’ onogo muchiwoe michno, nyaka uchiw ni Ruoth Nyasaye nyaim ma hike achiel maonge songa mondo otimgo misango miwang’o pep.

Tim jo-Lawi 4:23

to bang’e onyise ni oseketho chik, nyaka ochiw nywok maonge songa mondo otimgo misango.

Tim jo-Lawi 4:3

Ka jadolo maduong’ oketho, mi okelo chola kuom jo-Isarel, to nyaka ochiw ni Ruoth Nyasaye nyarwath maonge songa mondo otimgo misango mar golo richo, kopwodhogo ketho ma osetimono.

Tim jo-Lawi 9:2

Nowacho ni Harun niya, “Kaw nyarwath mondo otimgo misango mar golo richo, kod im otimgo misango miwang’o pep, mondo ikelgi e nyim Ruoth Nyasaye. Jamnigo nyaka bed maonge songa.

Tim jo-Lawi 9:4

kendo gikaw rwath gi im mondo otimgo misengni mag sawo e nyim Ruoth Nyasaye, kaachiel gi misango mar cham moruw gi mo, nimar Ruoth Nyasaye biro fwenyorenu tinende.”

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.