Tim jo-Lawi 8:2 - MUMA MALER 2015

² “Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Motingʼo Loko Manyien

² “Kel Harun gi yawuote gi lepgi mag dolo, gi mor pwodhruok, gi rwadh misango mar golo richo gi imbe ariyo, kod odheru motingʼo makati ma ok oketie thowi,

Tim jo-Lawi 8:2 ပူးပေါင်းရင်းမြစ်များ

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 28:40

Los ni yawuot Harun kendhe gi okendni kod kilembni, mondo omedgi duong’ gi chia.

Wuok 39:41

Ne gikelo bende lewni motwang’ malich ma jodolo tiyogo e Kama Ler, tiende ni lep lemo mag Harun jadolo kod lep yawuote ma girwako ka gitiyo tich dolo.

Tim jo-Lawi 6:10

Bang’e jadolo norwak law katana maber, kod sirwari mondo ogeng’go duge. Eka nogol buch misango ma mach osewang’o e kendo-mar-misango, mi noket e bath kendono.

Tim jo-Lawi 8:1

Ruoth Nyasaye nowacho ni Musa niya,

Tim jo-Lawi 8:10

Bang’e Musa nokawo mor wir, mowirogo Hema Maler kod gik moko duto mane ni e iye, kopwodhogi ni tich Nyasaye.

Tim jo-Lawi 8:18

Eka Musa nokelo im mane ibi timgo misango miwang’o pep. Harun gi yawuote noketo lwetgi ewi imno, eka Musa nonege.

Tim jo-Lawi 8:22

Bang’ mano Musa nokelo im machielo mar keto jadolo e tich. Harun gi yawuote noketo lwetgi e wiye, eka Musa nonege.

Tim jo-Lawi 8:3

bende ichok oganda jo-Israel duto e dho Hemb Romo.”

Jo-Hibrania 7:27

Onge gima dimi otim misengni pile, kaka jodolo madongo moko kwongo timo misengni ma gipwodhogo richogi giwegi, to eka gitimo misengni mipwodhogo richo oganda. En to notimo misango dichiel kende, kane ochiwore en owuon ka misango.