Tim jo-Lawi 7:7 - MUMA MALER 2015

⁷ Nitie chik achiel moriwo misango mar golo richo kod misango mipwodhogo ketho mar gowi. Misengnigo nodong’ ni jadolo motimogi, kopwodhogo richo.

Motingʼo Loko Manyien

⁷ Chik achielni ema oriwo misango mar golo richo kod misango mipwodhruokgo e ketho. Misenginigo nodongʼ ni jadolo motimogi, kopwodhogo richo.

Tim jo-Lawi 7:7 ပူးပေါင်းရင်းမြစ်များ

2 Ruodhi 12:16

To chiwo mipwodhogo ketho mar gowi, kod mag golo richo ne ok kel e Od Ruoth Nyasaye, nimar ne gin mag jodolo.

2 Ruodhi 12:17

E ndalogo, Hazael ruodh Aram nodhi kedo gi jo-Gath, mi nokawo dalagi. Bang’ mano, noikore mondo odhi omonj Jerusalem.

Tim jo-Lawi 14:13

Imno nyaka yang’ ei Kama Ler miyang’oe jamni mitimogo misengni mag golo richo kod misengni miwang’o pep, nimar misango mipwodhogo ketho mar gowi dong’ ni jadolo mana kaka misango mar golo richo. En gima ler moloyo.

Tim jo-Lawi 2:10

To gima odong’ kuom chiwono nobed mar Harun gi yawuote. En gima ler moloyo, nikech ogole kuom misango miwang’o ni Ruoth Nyasaye.

Tim jo-Lawi 2:3

To mogo gi mo modong’ kuom chiwono nobed mar Harun gi yawuote. En gima ler moloyo, nimar ogole kuom misango miwang’o ni Ruoth Nyasaye.

Tim jo-Lawi 6:17

Mogono asemiyo joka Harun ka migapgi kuom misengni motimna kiwang’o gi mach. En gima ler moloyo mana ka misango mar golo richo kendo ka misango mipwodhogo ketho mar gowi.

Tim jo-Lawi 7:8

Jadolo motimo misango miwang’o gi chiayo ma ng’ato ochiwo, nodong’ gi pien chiayono.

Kwan 5:8

Ka ng’atno osetho, to oonge gi jaodgi mahie ma dichul kuom kethono, to chudono kaachiel gi im ma jadolo pwodhogo jakethono nobed mar Ruoth Nyasaye, kendo nodong’ ni jadolo.

1 Jo-Korintho 10:18

Paruru ane kit lemo mar jo-Yahudi kod timgi. Donge jogo machamo gik motimgo ni Nyasaye misango bedo e achiel gi Nyasaye motimne misangono?

1 Jo-Korintho 9:13

Donge ung’eyo ni joma tiyo tich Hekalu chamo gik mochiw e Hekalu, kendo ni joma tiyo e kendo-mar-misango bende nwang’o pokgi kuom gik motimgo misango?