Tim jo-Lawi 4:3 - MUMA MALER 2015

³ Ka jadolo maduong’ oketho, mi okelo chola kuom jo-Isarel, to nyaka ochiw ni Ruoth Nyasaye nyarwath maonge songa mondo otimgo misango mar golo richo, kopwodhogo ketho ma osetimono.

Motingʼo Loko Manyien

³ “ ‘Ka jadolo mowal oketho mi omiyo joga obedo mogak, to ochune ni nyaka ochiw ni Jehova Nyasaye nyarwath maonge songa kendo otim-go misango mar golo richo, ne richo mosetimono.

Tim jo-Lawi 4:3 ပူးပေါင်းရင်းမြစ်များ

2 Weche mag Ndalo 29:21

Ne gikelo ruedhi abiriyo gi rombe abiriyo gi nyirombe abiriyo kod nyuogi abiriyo, mondo gitimgo misango mar golo richo mag dhood joka ruoth gi mag jodolo kod mag jo-Juda duto. Nochiko jodolo ma nyikwa Harun mondo otim kodgi misango e kendo-mar-misango mar Ruoth Nyasaye.

Ezra 8:35

Bang’e joma noduogo koa e tuech Babulon, notimo ni Nyasach Israel misengni miwang’o pep. Ne gichiwo ruedhi apar gariyo mochung’ ni jo-Israel duto, gi imbe piero ochiko gauchiel kod nyirombe piero abiriyo gariyo, kaachiel gi nyuogi apar gariyo ka misango mar golo richo. Mago duto nochiw ni Ruoth Nyasaye ka misango miwang’o te.

Wuok 29:14

To ring nyarwath kod piene, kaachiel gi ich iwang’ e tok kambi oko, nikech en misango mar golo richo.

Wuok 29:21

“Kaw remo moko manie wi kendo-mar-misango, kod mor wir, mi ikir kuom Harun gi yawuote, kendo kuom lepgi, kamano Harun gi yawuote kaachiel gi lepgi nodok maler.

Wuok 29:7

Eka ikaw mor wir, iol e wiye kiwalego.

Wuok 30:10

Harun nyaka mien tunge kendono gi remb chiayo mitimogo misango mar golo richo higa ka higa, kopwodhego. Nyaka tim kamano dichiel e higa kuom tienge duto mondo opwodhego. Kendono nobed maler moloyo, mowal ni Ruoth Nyasaye.”

Ezekiel 40:39

Ne nitie mesni ang’wen ei ot maduong’no, ariyo e bath ot konchiel, kendo ariyo e bathe komachielo. Ewi mesnigo ema ne inegoe jamni mitimogo misengni mopogore opogoore, kaka misengni miwang’o pep, kod mag golo richo, kod mago mipwodhogo richo mag gowi.

Ezekiel 43:19

Jodolo ma jo-Lawi ma nyikwa Zadok kende ema nyaka bi e nyima mondo otina. An Ruoth Nyasaye ema agolo chikno. “Nyaka imigi nyarwath mondo gitimgo misango mar golo richo.

Ezekiel 44:27

Eka enodhi e laru maiye mondo otim misango mar golo richo, mondo eka ochak oti e Hekalu kendo. An Ruoth Nyasaye ema awacho kamano.

Tim jo-Lawi 1:10

Ka ng’ato ochiwo rombo kata diel mondo otimgo misango miwang’o pep, to nyaka obed im kata nyuok maonge songa.

Tim jo-Lawi 1:3

Ka ng’ato chiwo dhiang’ mondo otimgo misango miwang’o pep, to nyaka obed rwath maonge songa. Enochiwe e dhoranga Hemb Romo e nyim Ruoth Nyasaye mondo Ruoth Nyasaye oyie kode.

Tim jo-Lawi 16:11

Harun nyaka chiw rwath mondo otimgo misango mar golo richo, kopwodhorego kaachiel gi joode.

Tim jo-Lawi 16:3

E kinde ka kinde ma Harun donjoe Kama Ler, to nyaka okel nyarwath mondo otimgo misango mar golo richo, kod im mondo otimgo misango miwang’o pep.”

Tim jo-Lawi 16:5

Enokaw nyuogi ariyo kuom oganda jo-Israel mondo otimgo misango mar golo richo, kendo im achiel mondo otimgo misango miwang’o pep.

Tim jo-Lawi 16:6

Nyaka otim misango mar golo richo gi rwath mondo opwodhrego kaachiel gi joode.

Tim jo-Lawi 4:14

to achien ofwenyore, to nyaka gichiw nyarwath mondo otimgo misango mar golo richo, mi gikele e nyim Hemb Romo.

Tim jo-Lawi 4:23

to bang’e onyise ni oseketho chik, nyaka ochiw nywok maonge songa mondo otimgo misango.

Tim jo-Lawi 4:28

to bang’e onyise ni oseketho chik, to nyaka okel diel maonge songa mondo otimgo misango mar golo richo, kopwodhogo ketho mosetimono.

Tim jo-Lawi 4:5

Eka nokaw rembe moko, mi okel ei Hemb Romo.

Tim jo-Lawi 5:6

to nyaka okel ni Ruoth Nyasaye chiayo madhako, ma rombo kata diel, kuom ketho mosetimono mondo otimgo misango mar golo richo. Eka jadolo nopwodhnego kethoneno, mi nowene.

Tim jo-Lawi 6:18

Joka Harun duto machwo nyalo chame ka migapgi kuom misengni mowang’ ni Ruoth Nyasaye. Mano en chik mochwere kuom tiengeu duto. Gimoro amora mogere kuom misengnigo nodok mowal ni Ruoth Nyasaye.

Tim jo-Lawi 8:12

Noolo mo moko ewi Harun, mi owire, kokete e tich dolo.

Tim jo-Lawi 9:2

Nowacho ni Harun niya, “Kaw nyarwath mondo otimgo misango mar golo richo, kod im otimgo misango miwang’o pep, mondo ikelgi e nyim Ruoth Nyasaye. Jamnigo nyaka bed maonge songa.

Tim jo-Lawi 9:3

Bang’e chik jo-Israel mondo okaw nywok otimgo misango mar golo richo, kendo gikaw nyaroya gi nyarombo ma hikgi achiel achiel, maonge songa, mondo otimgo misango miwang’o pep,

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Kwan 8:8

Bang’ mano gikaw nyarwath mondo otimgo misango miwang’o pep. In to nikaw nyarwath machielo mondo otimgo misango mar golo richo.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Hibrania 5:3

Mano emomiyo nyaka gitim misengni ma gigologo richogi giwegi mana kaka gitimo ni ji.

Jo-Hibrania 9:12

Kristo nodonjo Kama Ler dichiel kende, to ok koting’o remb diek kata remb nyiroye, to mana koting’o rembe owuon, mi oyudonwa warruok mochwere.