Tim jo-Lawi 3:9 - MUMA MALER 2015

⁹ Bang’ mano, ng’atno nyaka pog boche duto kaka sembe mong’ad gie lihumblu, gi boche mag jambich,

Motingʼo Loko Manyien

⁹ Koa kuom chiwo mar lalruok nyaka timne Jehova Nyasaye misango miwangʼo gi mach ma gin: bochene gi sembe duto mogol koa e lumbru gi bor moumo jamb-ich kaachiel gi boche man kuom jamb-ich,

Tim jo-Lawi 3:9 ပူးပေါင်းရင်းမြစ်များ

2 Samuel 6:17

Ne gikelo Sanduk mar Ruoth Nyasaye, mi giketo kare e hema mane Daudi ogurone. Eka Daudi notimo misengni miwang’o pep, kod misengni mag sawo e nyim Ruoth Nyasaye.

1 Ruodhi 3:15

Eka Solomon nochiew, moyudo ni kara en mana lek. Nodok Jerusalem, mochung’ e nyim Sandug Muma mar Ruoth Nyasaye, kotimo misengni miwang’o pep kod mag sawo, kendo noloso ni jotichne duto sawo maduong’.

1 Ruodhi 8:63

Solomon nochiwo ruedhi alufu piero ariyo gariyo, kod rombe alufu mia achiel gi piero ariyo, (120,000) kotimogo misengni mag sawo. Mano e kaka ruoth kod jo-Israel duto noyango Hekalu ni Ruoth Nyasaye.

1 Ruodhi 8:64

Chieng’ono ruoth nopwodho dier laru mane nie nyim Hekalu mar Ruoth Nyasaye, nikech kanyo ema notimoe misengni miwang’o pep, gi misengni mag sawo, nikech kendo-mar-misango mar mula mane nie nyim Ruoth Nyasaye ne tin, mane ok nyal timie misengnigo duto.

1 Weche mag Ndalo 16:1

Ne gikelo Sanduk mar Nyasaye mi giketo ei hema mane Daudi ogurone. Eka ne gitimo misengni miwang’o pep kod misengni mag kue e nyim Nyasaye.

Wuok 29:22

Kaw bor im, gi sembe kod boche mogawo ich, gi atel man kuom chuny, gi nyirokene, kaachiel gi boche mogawogi, kod em ma korachwich, ni mar en im mirwakogo jodolo.

Ngeche 23:26

Wuoda, chik iti maber mondo ngimana obedni ranyisi.

Isaya 53:10

To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Tim jo-Lawi 17:5

Chikni oketi mondo jo-Israel okel ni Ruoth Nyasaye jamni ma ginego oko. Nyaka gikelgi ni jadolo e dho Hemb Romo, mondo gitim kodgi misengni mag sawo ni Ruoth Nyasaye.

Tim jo-Lawi 7:3

Jadolo nokaw bochene duto, kaka sembe gi boche moumo jambich,

Tim jo-Lawi 8:25

Eka nokawo boche duto, kaka sembe gi boche mogawo jambich gi jwala mabor man ewi chuny, kod nyiroke gi boche mogawo nyiroke, kaachiel gi em ma korachwich.

Tim jo-Lawi 9:19

Ne gikawo boche mag rwath, gi sembe mar im gi boche mogawo jambich kod nyiroke gi boche mogawo nyiroke, kaachiel gi jwala mabor man ewi chuny,

Kwan 7:88

Kar romb jamni mitimogo misango mar sawo ne ruedhi piero ariyo gang’wen gi imbe piero auchiel gi nywogi piero auchiel kod nyiimbe oiero auchiel ma hikgi achiel achiel. Mago e gik mane ochiw mondo owalgo kendo mar misango chieng’ mane iwire.

1 Samuel 10:8

Tel nyima kilor nyaka Gilgal, to anabi iri mondo atim misengni miwang’o pep, kod mag sawo. Rita kuom ndalo abiriyo, eka nabi iri mondo anyisi gima onego itim.”