Tim jo-Lawi 27:3 - MUMA MALER 2015

³ Ng’ama dichwo ma hike ni e kind piero ariyo gi piero auchiel nowar gi shekel piero abich mag fedha, (ma gin shekel mitiyogo e tich Nyasaye.)

Motingʼo Loko Manyien

³ Ngʼama dichwo ma hike chakore piero ariyo nyaka piero auchiel, en to noware mana gi shekel piero abich mag fedha, ma gin shekel mitiyogo e kama ler mar lemo.

Tim jo-Lawi 27:3 ပူးပေါင်းရင်းမြစ်များ

2 Ruodhi 12:4

Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

Wuok 30:13

Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Wuok 38:24

Kar romb dhahabu duto mane otigo kuom loso Kama Ler ne romo kilo alufu achiel gi mia ariyo kod piero adek, kipimo gi rapim mitiyogo e tich Nyasaye. Dhahabugo duto nochiw ka mich mowal ni Ruoth Nyasaye.

Tim jo-Lawi 27:14

“Ka ng’ato ochiwo ode mondo obed moyang ni Ruoth Nyasaye, to jadolo nyaka go nengo moromo kode, kendo nengo ma jadolo ogoyono ema oromo.

Tim jo-Lawi 27:25

(Nengo ka nengo nopim gi shekel mitiyogo e tich Nyasaye. Shekel achiel romre gi gera piero ariyo.)

Tim jo-Lawi 27:4

To ng’ama dhako ma hike rom kamano nowar gi shekel piero adek.

Tim jo-Lawi 5:15

Ka ng’ato oboth, moketho, mi ok ochiwo gima onego ochiw ni Ruoth Nyasaye, to nyaka okelni Ruoth Nyasaye im maonge songa, mondo otimgo misango mipwodhogo ketho mar gowi. Nengo imno nyaka pim gi shekel mar fedha mitiyogo e tich Nyasaye. En misango mar golo ketho.

Tim jo-Lawi 6:6

Bende enokel ni Ruoth Nyasaye im maonge songa ma nengone opim ni oromo timogo misango mipwodhogo ketho mar gowi.

Kwan 18:16

Ka gisetieko due achiel, to nyaka wargi gi shekel abich abich, mopim gi rapim mitiyogo e tich Nyasaye (shekel achiel oromo gera piero ariyo.)

Kwan 3:47

omiyo nyaka uwar joma odong’go gi shekel abich abich, kipimo gi shekel mitiyogo e tich Nyasaye. (Shekel achiel romre gi gera piero ariyo.)