Tim jo-Lawi 26:3 - MUMA MALER 2015

³ “Ka uwuotho e yorena, mi urito chikena, kendo uluwogi,

Motingʼo Loko Manyien

³ Ka urito buchena kendo urito chikena,

Tim jo-Lawi 26:3 ပူးပေါင်းရင်းမြစ်များ

Nehemia 1:9

To kuduogo ira, mi urito chikna, to anachoku, kendo anadwoku e dala miseyiero mondo nyinga obedie, kata obedo ni uke muchopo e tung’ piny gi tung’ piny.’

Wuok 23:25

Lamauru, an Ruoth Nyasaye ma Nyasachu, mi anaguedhu gi chiemo kod pi, bende anatiek tuoche duto kuomu.

Isaya 1:19

Ka uyie kuoma, mumako chikna gi chunyu duto, to unucham gik mabeyo duto manie piny.

Isaya 30:23

Ruoth Nyasaye nokel koth ni chambu, kendo nomi puotheu chieg cham mogundho. Jambu bende nokwa e lege madongodongo,

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Tim jo-Lawi 19:25

To e higa mar abich unyalo chamo olembego. Kutimo kamano, to ginimed nyak moloyo. An e Ruoth Nyasaye ma Nyasachu.

Zekaria 8:12

Ginichwo kodhi ka gin gi kue, mi mzabibu nonyag olembe, kendo lowo nochieg cham. Koth bende nochuenigi maber, kendo anaguedh joma odong’ kuom jogagi gi gigo duto.

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Rapar mar Chik 7:12

“Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.