Tim jo-Lawi 22:3 - MUMA MALER 2015

³ Wachnigi ni, ka ng’ato moro mogak osudo machiegni gi chiwo maler ma jo-Israel walo ni Ruoth Nyasaye, to nang’ad kare oko e nyima. Mano en chik momakou nyaka chieng’. An e Ruoth Nyasaye.

Motingʼo Loko Manyien

³ Wachnegi ni: Ka ngʼato moro mogak osudo machiegni kod kama jo-Israel chiwoe chiwo maler ni Jehova Nyasaye, to nangʼad kare oko kendo ok nobed gimoro e nyima. Mano en chik manyaka uriti chakre sani kod tiengʼ mabiro. An e Jehova Nyasaye.

Tim jo-Lawi 22:3 ပူးပေါင်းရင်းမြစ်များ

Ezra 8:28

Eka nawacho ni jogo niya, “Un joma owal ni Ruoth Nyasaye mana kaka gik lemogi. Fedha gi dhahabu to gin mich ma ji osechiwo kuom herogi ni Ruoth Nyasaye ma Nyasach kwereu.

Zaburi 16:11

Inyisa yo matera e ngima. Kama intie ema ilo maduong’ yudoree, kendo e lweti ma korachwich ema gik mamiyo chuny mor nitie mosiko.

Zaburi 51:11

Kik iriemba e wang’i, bende kik imaya Roho mari maler.

Wuok 30:33

Ng’ato ang’ata ma nolos mo machal kamano, kata ma nowir kode ng’at ma ok jadolo nyaka ng’ad kare oko kuom jowetene.’ ”

Tim jo-Lawi 22:2

“Nyis Harun gi yawuote ni nyaka giritre ahinya ka gitiyo gi mich maler ma jo-Israel chiwona, nono to gichayo nyinga maler. An e Ruoth Nyasaye.

Kwan 19:13

Ng’ato momulo ng’at motho, to ok nopwodhre, ochido Hema Maler mar Ruoth Nyasaye. Ng’atno nong’ad kare oko kuom jo-Israel. Pi pwodhruok ne ok kir kuome, omiyo osiko kogak.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

2 Jo-Thesalonika 1:9

Giniyud kum ma en lal ma nyaka chieng’, koriembgi mabor gi tekone man gi duong’.