Tim jo-Lawi 2:2 - MUMA MALER 2015

² Eka nokele ni jodolo ma joka Harun, kendo jadolo achiel nojuk mogo sanja moruw gi mo, mi nowang’ kaachiel gi ubani duto ka rapar e kendo-mar-misango. Mano en misango miwang’o mondo tikne odum mang’ue ng’ar ni Ruoth Nyasaye.

Motingʼo Loko Manyien

² eka otere ne yawuot Harun ma jodolo. Jadolo nokaw mogo mayom moru gi sanja achiel kaachiel gi ubani duto kendo nowangʼe kaka pok mar rapar ewi kendo mar misango, ma en misango miwangʼo pep, madum tik mangʼwe ngʼar ne ma Jehova Nyasaye.

Tim jo-Lawi 2:2 ပူးပေါင်းရင်းမြစ်များ

Nehemia 13:14

A Nyasacha, par gima natimono, kendo igwedha, to kik wiyi wil gi timbe mabeyo mosetimo ni Odi kendo ni tiji.

Nehemia 13:22

Bende nachiko jo-Lawi mane onego opwodhre mondo okaw tich mar rito dhorangeye ni nyaka gine ni chieng’ Sabato orit maler. A Nyasaye, par gima natimono bende, kendo iguedha, mi ikecha kuom herani maduong’ mosiko.

Wuok 30:16

Pesa ma jo-Israel chiwo kar ngimagi nyaka itigo e Hemb Romo. Pesa muchiwo kar ngimaugo nomi Ruoth Nyasaye paro jo-Israel.”

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Tim jo-Lawi 1:13

Jambich gi tielo to nyaka lwok gi pi, eka jadolo nochiwgi kaachiel gi lemo duto e kendo-mar-misango mondo otimgo misango miwang’o pep ma tikne dum mamit ni Ruoth Nyasaye.

Tim jo-Lawi 1:17

Nyaka obambe ma ok ogolo buombene oko, eka owang’e ewi yien moket e mach manie kendo-mar-misango. En misango miwang’o pep, madum mamit ni Ruoth Nyasaye.

Tim jo-Lawi 1:9

Jambich gi tielo to nyaka lwok gi pi, eka jadolo nowang’gi kaachiel gi lemo duto e kendo-mar-misango, kotimogo misango miwang’o pep, mondo odum mamit ni Ruoth Nyasaye.

Tim jo-Lawi 2:16

Jadolo nokaw cham moko moruw gi mo, mi nowang’ kaachiel gi ubani duto ka rapar. En misango miwang’o ni Ruoth Nyasaye.

Tim jo-Lawi 2:9

Enopog moko mondo owang’ e kendo-mar-misango ka rapar. En misango miwang’o mondo tikne odum mang’ue ng’ar ni Ruoth Nyasaye.

Tim jo-Lawi 24:7

Unuket ubani maler e laini ka laini, mondo obed rapar mar makati michiwo ni Ruoth Nyasaye ka misango miwang’o.

Tim jo-Lawi 4:31

Enogol bochene duto mana kaka igolo boche mag jamni mitimogo misengni mag sawo, mi jadolo nowang’gi e kendo-mar-misango mondo odum mamit ni Ruoth Nyasaye. Kamano e kaka jadolo nopwodh ketho ng’atno, mi nowene.

Tim jo-Lawi 5:11

Ka ng’ato ok nyal kata mana chiwo akuch odugla ariyo kata nyithi akuru ariyo kuom richone, to nyaka ochiw kilo ang’wen mag mogo mayom mondo otimgo misango mar golo richo. To kik oolie mo, kata kik oketie ubani, nikech en misango mar golo richo.

Tim jo-Lawi 5:12

Enokel ni jadolo mogono, mi jadolo nojuk sanja ka rapar, mondo owang’ e kendo-mar-misango ewi misengni miwang’o ni Ruoth Nyasaye.

Tim jo-Lawi 6:15

Achiel kuom jodolo nojuk mogo sanja moruw gi mo, kaachiel gi ubani duto moketie. Enowang’ sanja mojukono ka rapar e kendo-mar-misango mondo odum mang’ue ng’ar ni Ruoth Nyasaye.

Kwan 5:18

Kosekelo dhakono e nyim Ruoth Nyasaye, to nogony yie wiye, eka noket misango mar cham mifwenyogo adiera e lwete. En misango mar cham mitiekogo chich. To jadolo noting pi mar muma mafwenyo adiera e lwete owuon.

Kwan 5:26

mi nojuk sanja, kendo nowang’ ka rapar e kendo-mar-misango, eka nochak omi dhakono modh pigcha.

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.