Tim jo-Lawi 2:1 - MUMA MALER 2015

¹ Ka ng’ato timo ni Ruoth Nyasaye misango mar cham, to nyaka ochiw mogo mayom, kendo ool mo kuome, mi omedie ubani.

Motingʼo Loko Manyien

¹ Ka ngʼato okelone Jehova Nyasaye chiwo mar cham, to nyaka obed mogo mayom. Onego ool mo kuom mogono kendo ochwo ubani kuome,

Tim jo-Lawi 2:1 ပူးပေါင်းရင်းမြစ်များ

Wuok 29:2

Bende ikaw makati, kek moted gi mo, kod chapat mowirie mo. Magi duto nyaka los gi mok ngano mayom, ma ok oketie thowi.

Isaya 43:23

Ok usetimona misengni miwang’o pep mag rombe, kendo ok usemiya duong’ kutimona misengni mamoko. To ok asechandou mondo utimna misengni mag cham, bende ok asemiyou ting’ mapek, ka adwaro ni mondo uwang’na ubani.

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Ezekiel 46:20

mowacho niya, “Mano e kama jodolo onego ochwakie ring’o ma gitimogo misengni mag golo richo kod mago mipwodhogo ketho mag gowi, kendo kanyo ema gitedoe misengni mag cham. Kamano onge gimoro maler ma diter e laru maoko, kuma gino nyalo miyoe ji hinyruok!”

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 24:7

Unuket ubani maler e laini ka laini, mondo obed rapar mar makati michiwo ni Ruoth Nyasaye ka misango miwang’o.

Tim jo-Lawi 5:11

Ka ng’ato ok nyal kata mana chiwo akuch odugla ariyo kata nyithi akuru ariyo kuom richone, to nyaka ochiw kilo ang’wen mag mogo mayom mondo otimgo misango mar golo richo. To kik oolie mo, kata kik oketie ubani, nikech en misango mar golo richo.

Tim jo-Lawi 6:7

Jadolo notimnego misango mipwodhogo ketho mar gowi, mi nowene kuom gimoro amora ma notimo, mosemiyo obedo jagowi.

Tim jo-Lawi 9:17

Eka nokelo mogo mane ibi timgo misango mar cham, kendo nojuko sanja mowang’o e kendo-mar-misango kaachiel gi misango mar okinyi miwang’o pep.

Tim jo-Lawi 9:4

kendo gikaw rwath gi im mondo otimgo misengni mag sawo e nyim Ruoth Nyasaye, kaachiel gi misango mar cham moruw gi mo, nimar Ruoth Nyasaye biro fwenyorenu tinende.”

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Kwan 18:9

Gima ogol kuom chiwo moro amora maler moloyo, ma ok owang’ e kendo-mar-misango, nobed mari gi nyikwayi, bed ni en misango mar cham, kata mar golo richo, kata mipwodhogo ketho mar gowi, mochiwna ka mich maler moloyo.

Kwan 28:5

Misango mar cham michiwo kodgi to nobed mogo moromo kilo adek moruw gi mo maber moromo lita ariyo.

Kwan 29:18

Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

Kwan 7:13

Nochiwo nyalaro mar fedha ma pekne romo shekel mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Kwan 7:19

Nochiwo nyalaro mar fedha ma pekne romo shekel mia achiel gi piero adek kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Kwan 8:8

Bang’ mano gikaw nyarwath mondo otimgo misango miwang’o pep. In to nikaw nyarwath machielo mondo otimgo misango mar golo richo.

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.

Juda 1:20

To un osiepena, meduru mana geroru kuom teko mar Roho Maler.

Fweny 8:3

Eka malaika moro nobiro mochung’ e nyim kendo-mar-misango, ka en gi tap ubani mar dhahabu. Ne omiye ubani mathoth mondo ochiw gi lemo mar jo-Nyasaye duto e kendo-mar-misango mar dhahabu mane ni e nyim kom duong’.