Tim jo-Lawi 13:2 - MUMA MALER 2015

² Ka dend ng’ato obokore kata oluro kata olokore mamarmar, mi opar ni dipo kobedo dhoho, to nyaka ter ng’atno ir Harun jadolo kata ir achiel kuom yawuote.

Motingʼo Loko Manyien

² Ka ngʼato dende okuot kata oluro kata en-gi mbala marieny e dende manyalo bedo tuo malandore mar del, nyaka kele ir Harun jadolo kata ir achiel kuom yawuote ma en jadolo.

Tim jo-Lawi 13:2 ပူးပေါင်းရင်းမြစ်များ

Rapar mar Chik 24:8

“Kuom weche mag tuo dhoho, nyaka utim mana kaka jodolo ma jo-Lawi biro chikou, nimar namiyogi chikena duto ma nyaka uriti.

Tim jo-Lawi 14:56

gi kuonde mobokore e del, kata moluro kata mamarmar.

Tim jo-Lawi 14:3

Kuom mano jadolo nyaka wuog oko mar kambi mondo odhi orange. Ka oyudo ni ng’atno ochango kuom tuoneno,

Luka 17:14

Yesu nonenogi, mowachonigi ni, “Dhiuru ir jadolo mondo orang dendu.” To kane oyudo gin e yo gidhi, ne gichango.

Luka 5:14

To Yesu nokwere ni, “Kik inyis ng’ato wachni, to dhiyo ir jadolo mondo orang dendi. Bang’e itim misango kaka ne Musa ochiko mondo otim. Mano biro nyiso ji duto ni koro ichango.”

Mariko 1:44

“Kik ihul ni ng’ato wachni, to dhiyo ir jadolo mondo orang dendi. Bang’e itim misango mane Musa ogolo chikne mondo otim. Mano biro nyiso ji duto ni koro ichango.”

Mathayo 8:4

Eka Yesu nowachone niya, “Kik ihul ni ng’ato wachni, to dhiyo ir jadolo mondo orang dendi. Bang’e itim misango mane Musa ogolo chikne mondo otim. Mano biro nyiso ji duto ni koro ichango.”

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Isaya 3:17

Omiyo abiro keto tuo e wigi, kendo ami gidong’ duge.”

Isaya 1:6

Onge kama ngima e dendu, chakre tiendu nyaka wiu, mak mana kuonde moridhore gi kuonde moriemo kod adhonde, ma pok oketie yath, kata motue, kata mowirie mo ma dimi gichangi.

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

2 Ruodhi 5:1

Naaman ne jaduong’ lweny mar ruodh Aram, kendo Ruoth Nyasaye nosekonye, komiyo jo-Aram loyo e lweny. Kuom mano, ne en ng’at ma ruodhe ogeno kendo morgo. Bende ne en ng’at maratego ma jachir. To ne en radhoho.

2 Samuel 3:29

Rembe mondo obed ewi Joab, kendo kuom dhoode duto. E dhood Joab nyaka bedie ng’ama rembe chuer, kata ng’ama jadhoho, kata ng’at modere, kata ng’ama ochando chiemo!”

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Kwan 12:10

kendo kane bor polo oa e Hema kamano, dhoho nomako dend Miriam, molokore marachar ka pe. Kane Harun olokore monene,

Tim jo-Lawi 14:35

to wuon odno nyaka dhi ir jadolo kendo nyise ni gima rach ni e ode.

Kwan 12:12

Kik iwe Miriam chal gi nyathi monywol kosetho, ma bath dende konchiel gimoro ochamo.”

Tim jo-Lawi 13:1

Ruoth Nyasaye nowacho ni Musa kod Harun niya:

Tim jo-Lawi 13:3

Jadolo norang kama litno, to ka oyudo ni yier man kanyo olokore rachar, kendo tuone nenore ni odonjo ei pien, to mano nyiso ni en dhoho. Ka oserange kamano, to nong’ad wach ni nga’tno ogak.

Tim jo-Lawi 13:8

Jadolo nyaka chak range, kendo koyudo ni kama litno landore, to mano nyiso ni en tuo mar dhoho, omiyo nong’ad wach ni ng’atno ogak.