Tim jo-Lawi 1:4 - MUMA MALER 2015

⁴ Nyaka oket lwete ewi chiayono, mi Ruoth Nyasaye noyie gi misangono mondo obed gima opwodhnego richone.

Motingʼo Loko Manyien

⁴ Nyaka oket lwete ewi misango miwangʼo pep, mi Jehova Nyasaye noyie gi misangono mondo obed gima opwodhgo richone.

Tim jo-Lawi 1:4 ပူးပေါင်းရင်းမြစ်များ

Wuok 28:38

Gima opamoreno nyaka bed e wi Harun, kendo kamano e kaka enopwodh ketho moro ma dipo kobetie kuom mich maler ma jo-Israel ochiwo ni Ruoth Nyasaye. Omiyo gino nyaka bed e wiye kinde duto, mondo Ruoth Nyasaye oyie chiwogo.

Wuok 29:10

“Kel nyarwath e nyim Hemb Romo, kendo Harun gi yawuote oket luetgi e wiye,

Wuok 29:15

“Bang’ mano ikaw achiel kuom imbe kande, kendo Harun gi yawuote oket luetgi e wiye.

Wuok 29:19

“Kaw im mar ariyo, kendo Harun gi yawuote oket luetgi e wiye.

Wuok 29:33

Ginicham gigo mane opwodhgo richogi kirwakogi kendo kiwalogi. To ng’ato ma ok jadolo kik chamgi nimar gin gik maler.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Ezekiel 45:15

To bende kuom rombe mia ariyo nyaka uchiw rombo achiel. Gigo ema unukel mondo obed chiwo mitimogo misengni mag cham gi misengni miwang’o pep, kod mago mag sawo, mondo richou owenu. An Ruoth Nyasaye ema agolo chik kamano.

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Tim jo-Lawi 16:21

Enoket lwetene duto ewi diendno, kendo nohul richo duto mag jo-Israel gi timbe mane giweyogo Ruoth Nyasaye, tiende ni richogi duto. Enowe richogo duto ewi diendno, eka nomiye ng’at ma noyud obet ka rito mondo otere e thim.

Tim jo-Lawi 16:24

Eka nolwokre gi pi, kamoro moyang ni Nyasaye, kendo norwak lepe mag dolo, mi nowuog oko mondo otim misangone owuon miwang’o pep, kod mar oganda jo-Israel. Kamano nopwodhre, kendo nopwodh ji bende.

Tim jo-Lawi 22:21

Ka ng’ato otimo misango mar chiwo gi dhiang’ kata gi rombo mondo ochopgo kuong’ruok, kata kaka chiwo ma okelo kuom herone owuon, to nyaka obed chiayo malong’o maonge songa eka Ruoth Nyasaye noyie kode.

Tim jo-Lawi 22:27

to ok onego poge gi min nyaka ndalo abiriyo rum. Kochiwe ni Ruoth Nyasaye ka misango miwang’o chakre chieng’ mar aboro ka dhi nyime, to noyie kode.

Tim jo-Lawi 3:13

mi oket lwete ewi chiayono, kendo oyang’e e nyim Hemb Romo. Eka joka Harun nokaw remo, kendo nokir e bethe duto mag kendo-mar-misango.

Tim jo-Lawi 3:2

Ng’atno nyaka ket lwete ewi dheno, kendo oyang’e e dho Hemb Romo. Jodolo ma joka Harun nokaw remo, kendo nokir e bethe duto mag kendo-mar-misango.

Tim jo-Lawi 3:8

mi oket lwete e wiye, kendo oyang’e e nyim Hemb Romo. Eka joka Harun nokaw remo, kendo nokir e bethe duto mag kendo-mar-misango.

Tim jo-Lawi 4:15

Eka jodong oganda noket lwetgi ewi nyarwadhno e nyim Ruoth Nyasaye, kendo noyang’e kanyo.

Tim jo-Lawi 4:20

Nowang’ nyarwadhno mana kaka iwang’o rwath mitimogo misango mar golo richo. Kamano e kaka jadolo nopwodhnigi kethogi, mi nowenigi.

Tim jo-Lawi 4:24

Enoket lwete ewi chiayono, kendo noyang’e e nyim Ruoth Nyasaye kama iyang’oe chiayo mitimogo misango miwang’o pep. En misango mar golo richo.

Tim jo-Lawi 4:26

Enowang’ boche duto e kendo-mar-misango mana kaka iwang’o boche mag misengni mag sawo. Kamano e kaka jadolo nopwodh ketho ng’atno mi nowene.

Tim jo-Lawi 4:29

Enoket lwete ewi chiayono, kendo noyang’e e nyim Ruoth Nyasaye kama iyang’oe jamni mitimogo misengni miwang’o pep.

Tim jo-Lawi 4:31

Enogol bochene duto mana kaka igolo boche mag jamni mitimogo misengni mag sawo, mi jadolo nowang’gi e kendo-mar-misango mondo odum mamit ni Ruoth Nyasaye. Kamano e kaka jadolo nopwodh ketho ng’atno, mi nowene.

Tim jo-Lawi 4:33

Enoket lwete e wiye, kendo noyang’e mondo otimgo misango mar golo richo, kama iyang’oe jamni mitimogo misengni miwang’o pep.

Tim jo-Lawi 4:35

Enogol boche duto, mana kaka igolo boche mag rombe mitimogo misengni mag sawo. Eka nowang’ bochego ewi misengni miwang’o ni Ruoth Nyasaye, kopwodhogo ketho ma ng’atno osetimo, mi nowene.

Tim jo-Lawi 4:4

Enokel nyarwadhno e dho Hemb Romo e nyim Ruoth Nyasaye, mi noket lwete e wiye, kendo noyang’e kanyo.

Tim jo-Lawi 5:6

to nyaka okel ni Ruoth Nyasaye chiayo madhako, ma rombo kata diel, kuom ketho mosetimono mondo otimgo misango mar golo richo. Eka jadolo nopwodhnego kethoneno, mi nowene.

Tim jo-Lawi 6:7

Jadolo notimnego misango mipwodhogo ketho mar gowi, mi nowene kuom gimoro amora ma notimo, mosemiyo obedo jagowi.

Tim jo-Lawi 8:14

Bang’ mano Musa nokelo rwath mane idhi timgo misango mar golo richo, mi Harun gi yawuote noketo lwetgi e wiye, eka Musa nonege.

Tim jo-Lawi 8:18

Eka Musa nokelo im mane ibi timgo misango miwang’o pep. Harun gi yawuote noketo lwetgi ewi imno, eka Musa nonege.

Tim jo-Lawi 8:22

Bang’ mano Musa nokelo im machielo mar keto jadolo e tich. Harun gi yawuote noketo lwetgi e wiye, eka Musa nonege.

Tim jo-Lawi 9:7

Nowacho ni Harun ni, “Sud but kendo-mar-misango, mondo itim misango mar golo richo, kod misango miwang’o pep, mondo ipwodhrigo, kendo ipwodhgo joodi. Bang’e itim misango gi jamni ma oganda ochiwo, kipwodhogo oganda, kaka Ruoth Nyasaye ochiko.”

Kwan 15:25

Eka jadolo nopwodh oganda duto mar Israel, mi nowenigi richogi, nikech ne giketho mana ka gikia, kendo gisetimo ni Ruoth Nyasaye misango miwang’o. Bende gisetimo misango mar golo richo e nyim Ruoth Nyasaye kuom ketho mane giketho ka gikia.

Kwan 15:28

kendo jadolo nopwodh ni ng’atno kethone e nyim Ruoth Nyasaye, mi nowene.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Kwan 8:10

Ka isekelo jo-Lawi e nyim Ruoth Nyasaye, to inimi jo-Israel ket lwetgi e wigi.

Kwan 8:12

Jo-Lawi noket lwetgi e wi ruedhi kande. Rwath achiel notimgo misango mar golo richo, to machielo notimgo ni Ruoth Nyasaye misango miwang’o pep, mondo opwodhgo ni jo-Lawi richogi.

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Jo-Rumi 3:25

Nyasaye nochiwo Yesu mondo thone obed misango migologo richo mag joma oyie. Notimo kamano mondo onyisgo ni timne kare, kata obedo ni ne osebedo ka ok odew richo mane joma chon otimo kamano.

Jo-Rumi 5:11

To ok mano kende. Wamor bende kuom Nyasaye nikech gima ne Yesu Kristo Ruodhwa otimonwa, nimar en ema nomiyo wadoko osiep Nyasaye.

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.

Jo-Hibrania 10:4

nikech remb ruedhi gi remb diek ok nyal golo richo.

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.