Tim jo-Lawi 1:3 - MUMA MALER 2015

³ Ka ng’ato chiwo dhiang’ mondo otimgo misango miwang’o pep, to nyaka obed rwath maonge songa. Enochiwe e dhoranga Hemb Romo e nyim Ruoth Nyasaye mondo Ruoth Nyasaye oyie kode.

Motingʼo Loko Manyien

³ Ka chiwo en misango miwangʼo pep mar dhiangʼ, to nyaka obed mana mano madichwo maonge songa. Nyaka to ochiwe e dho Hemb Romo mondo omi Jehova Nyasaye oyie kode.

Tim jo-Lawi 1:3 ပူးပေါင်းရင်းမြစ်များ

Chakruok 22:13

Ibrahim noting’o wang’e mopo koneno im momoko gi tungene e bungu. Nokawo imno motimogo misango ni Ruoth Nyasaye kar wuode.

Chakruok 22:2

Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”

Chakruok 22:8

Ibrahim nodwoke ni, “Wuoda, Nyasaye owuon ema biro miyowa rombo.” Bang’ mano ne gidhi nyime gi wuodhgi kanyakla.

Chakruok 8:20

Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

2 Weche mag Ndalo 29:32

Gik mane okel mondo otimgo misango miwang’o pep, ne gin ruedhi piero abiriyo, gi imbe mia achiel, kod nyirombe mia ariyo. Mago duto nochiw mondo otimgo misango miwang’o pep ni Ruoth Nyasaye.

2 Weche mag Ndalo 35:12

Ne gipogo boche mag misengnii ni migepe mag dhoudi ma ok jo-Lawi, mondo owang’ ni Ruoth Nyasaye kaka ondiki e Kitap Musa. Kamano e kaka ne gitimo gi ruedhi bende.

Zaburi 110:3

Chieng’ ma ikedo gi wasiki, to jou nochiwre mondo okedi, kendo yawuotgi nobi iri e gode maler, konur mana ka tho mamoko gokinyi.

Zaburi 40:8

Amor ahinya ka atimo gima idwaro. Ee, akano chikni e chunya.”

Wuok 12:5

Chiayono nyaka bed nyarombo kata nyadiel ma dichwo ma jahiga achiel ma onge songa.

Wuok 24:5

Eka nooro yawuowi moko ma jo-Israel monego ruedhi, mi gitimogo ni Ruoth Nyasaye misengni miwang’o pep, kod misengni mag sawo.

Wuok 29:18

Eka iwang’ imno duto e kendo-mar-misango. Mano en misango miwang’o pep ni Ruoth Nyasaye. En tik mang’ue ng’ar moa kuom misango miwang’o ni Ruoth Nyasaye.

Wuok 29:4

Bang’e ikel Harun gi yawuote e dho Hemb Romo kendo ilwokgi.

Wuok 29:42

Misangono nyaka bed kitimo e dho Hemb Romo e nyim Ruoth Nyasaye kuom tienge duto nyaka chieng’. Kanyo ema an Ruoth Nyasaye nabed karomoe kodu, kendo losoe kodi.

Wuok 32:6

Kinyne ji nochiew gokinyi mang’ich, motimo lisweche miwang’o pep, kendo ne gikelo lisweche mag sawo. Ne gibet piny mondo gichiem, kendo gimethi, to bang’e ne gia malo mondo gitugi.

Wuok 35:21

Ng’ato ka ng’ato ma noyie golo chiwo ni Ruoth Nyasaye notimo kamano, mondo olosgo Hemb Romo gi gik moko duto mitiyogo kanyo, kaachiel gi lep lemo.

Wuok 35:29

Jo-Israel duto machwo gi mamon mane oyie golo chiwo ni tich duto mane Ruoth Nyasaye osechiko Musa ni mondo otim, nokelo ni Ruoth Nyasaye michgi.

Wuok 35:5

“Ruoth Nyasaye nosechiko ni mondo uchiwne mich. Ng’ato ka ng’ato moyie timo kamano, mondo okelna chiwo mag dhahabu kod mula,

Wuok 36:3

Nomiyogi chiwo mane jo-Israel okelo mondo olosgo Kama Ler. To jo-Israel nomedo mana kelo chiwo ni Musa okinyi kokinyi,

Wuok 38:1

Bezalel noloso kendo-mar-misango miwang’o te gi yiend shita. Borne gi lachne ne mita ariyo gi nus maromre, to borne modhi malo ne mita achiel gi nus.

Isaya 1:11

Openjou niya, “Ere ohala mar timona misengni mogundho? Aol gi misengni mag imbe miwang’o pep, kaachiel gi boche mag jamni machwe. Bende ok agomb remb ruedhi gi mag rombe kod mag nyuogi.

Ezekiel 20:40

Ruoth Nyasaye nochako owacho niya, “Un jo-Israel duto, unudog e pinyu, mi ulama ewi god Israel marabora ma en goda maler. Anabed mamor kodu, kendo anadwar mondo ukelna misengni mau kod chiwo mabeyo mosewalna.

Ezekiel 40:39

Ne nitie mesni ang’wen ei ot maduong’no, ariyo e bath ot konchiel, kendo ariyo e bathe komachielo. Ewi mesnigo ema ne inegoe jamni mitimogo misengni mopogore opogoore, kaka misengni miwang’o pep, kod mag golo richo, kod mago mipwodhogo richo mag gowi.

Tim jo-Lawi 1:10

Ka ng’ato ochiwo rombo kata diel mondo otimgo misango miwang’o pep, to nyaka obed im kata nyuok maonge songa.

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 16:7

Bang’ mano, nokaw nyuogi ariyo kande, kendo nokelgi e nyim Ruoth Nyasaye e dho Hemb Romo.

Tim jo-Lawi 17:4

to ok okelo e dho Hemb Romo mondo otimgo ni Ruoth Nyasaye misango e nyim Hema Maler mar Ruoth Nyasaye, to nokwane ka ng’ama oneko. Osechuero remo, omiyo nyaka ng’ad kare oko kuom ogandagi.

Tim jo-Lawi 17:8

Ruoth Nyasaye nomedo wacho ni Musa mondo owach ni jo-Israel niya, “Ka ja-Israel moro amora kata japiny moro modak kuomu otimo misango miwang’o pep kata misango moro amora,

Tim jo-Lawi 17:9

to ok okelo e dho Hemb Romo mondo otimnigo Ruoth Nyasaye misango, nong’ad kare oko kuom ogandagi.

Tim jo-Lawi 23:12

To chieng’ onogo muchiwoe michno, nyaka uchiw ni Ruoth Nyasaye nyaim ma hike achiel maonge songa mondo otimgo misango miwang’o pep.

Tim jo-Lawi 23:18

Bende nyaka uchiw makati gi nyirombe abiriyo maonge songa, kendo ma hikgi achiel achiel, gi nyarwath achiel kod imbe ariyo. Ginibed misango miwang’o pep mitimo ni Ruoth Nyasaye. Unuchiwgi kaachiel gi misango mar cham kod misango miolo piny mondo obed misango miwango ma dum tik mamit ni Ruoth Nyasaye.

Tim jo-Lawi 3:1

Ka ng’ato chiwo rwath kata dwasi mondo otimgo ni Ruoth Nyasaye misango mar sawo, to nyaka obed mana dhiang’ ma onge songa.

Tim jo-Lawi 4:15

Eka jodong oganda noket lwetgi ewi nyarwadhno e nyim Ruoth Nyasaye, kendo noyang’e kanyo.

Tim jo-Lawi 4:23

to bang’e onyise ni oseketho chik, nyaka ochiw nywok maonge songa mondo otimgo misango.

Tim jo-Lawi 4:3

Ka jadolo maduong’ oketho, mi okelo chola kuom jo-Isarel, to nyaka ochiw ni Ruoth Nyasaye nyarwath maonge songa mondo otimgo misango mar golo richo, kopwodhogo ketho ma osetimono.

Tim jo-Lawi 4:32

Ka ng’ato ochiwo rombo mondo otimgo misango mar golo richo, to nyaka obed rombo ma nyaburi maonge songa.

Tim jo-Lawi 5:15

Ka ng’ato oboth, moketho, mi ok ochiwo gima onego ochiw ni Ruoth Nyasaye, to nyaka okelni Ruoth Nyasaye im maonge songa, mondo otimgo misango mipwodhogo ketho mar gowi. Nengo imno nyaka pim gi shekel mar fedha mitiyogo e tich Nyasaye. En misango mar golo ketho.

Tim jo-Lawi 5:18

Nyaka okel ni jadolo im maonge songa, mondo otimgo misango mipwodhogo ketho mar gowi, kendo jadolo nopwodhnego ketho mosetimo kokia, mi nowene.

Tim jo-Lawi 6:2

Ka ng’ato oketho, motimo gima rach e nyim Ruoth Nyasaye, mokuong’ore gi miriambo, kowuondo wadgi kuom gima nomiye mondo okan, kata kuom gima osingne, kata kuom gima osekwalo, kata kosechamo malang’,

Tim jo-Lawi 6:8

Ruoth Nyasaye nowacho ni Musa niya,

Tim jo-Lawi 7:16

To ka ng’ato otimo misango mochopogo kuong’ruok, kata ma otimo atima kuom herone, to jodolo nyaka chame chieng’ mochiweno kod kinyne.

Tim jo-Lawi 8:18

Eka Musa nokelo im mane ibi timgo misango miwang’o pep. Harun gi yawuote noketo lwetgi ewi imno, eka Musa nonege.

Tim jo-Lawi 8:21

Eka nolwoko jambich kod tielo e pi, mowang’ogi e kendo-mar-misango. Mano ne misango miwang’o pep mondo odum mamit ni Ruoth Nyasaye, kaka Ruoth Nyasaye nochiko Musa.

Tim jo-Lawi 9:2

Nowacho ni Harun niya, “Kaw nyarwath mondo otimgo misango mar golo richo, kod im otimgo misango miwang’o pep, mondo ikelgi e nyim Ruoth Nyasaye. Jamnigo nyaka bed maonge songa.

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Kwan 15:3

to unutim ni Ruoth Nyasaye misengni miwang’o. Ginyalo bedo misengni miwang’o pep, kata misengni michopogo kuong’ruok, kata ma ng’ato timo kuom herone, kata mitimo e ndalo mag sewni moketi. Ka uwang’o ni Ruoth Nyasaye jambu ka misango ma dum tik mamit kamano,

Kwan 15:8

“To ka nyarwath ema utimogo ni Ruoth Nyasaye misango miwang’o pep, kata misango michopogo kuong’ruok, kata misango mar sawo,

Kwan 19:2

“Wachnigiuru ni mondo gikel ni Musa dhiang’ malando ha maonge songa, kendo ma pok otuene jok.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Kwan 23:27

Balak nowachone niya, “Bi mondo ateri kamoro machielo, dipo ka Nyasaye oyie, mi ikuong’onagi kanyo.”

Kwan 23:3

Eka nowacho ni Balaam niya,

Kwan 23:30

Balak notimo kaka ne Balaam onyise mi ochiwo rwath achiel gi im achiel e kendo ka kendo.

Kwan 28:11

“To chieng’ due achiel mar due ka due nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep. Jamnigo duto nyaka bed maonge songa.

Kwan 28:19

Nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep, madum tik mamit ni Ruoth Nyasaye. Jamnigo duto nyaka bed maonge songa.

Kwan 28:31

Jamnigo duto nyaka bed maonge songa, kendo misengnigo duto nyaka utim kumedo ewi misengni miwang’o pep mitimo pile, kaachiel gi misango miolo piny michiwogigo.

Kwan 29:13

Unuchiw nyiruedhi apar gadek gi imbe ariyo kod nyiimbe apar gang’wen ma hikgi achiel achiel, mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

Kwan 29:2

Unuchiw nyarwath achiel gi im achiel kod nyiimbe abiriyo ma hikgi achiel achiel mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Johana 1:36

Noneno Yesu ka wuotho, mowacho niya, “Neuru! Jalcha e Nyarombo mar Nyasaye!”

Johana 10:7

Emomiyo nowachonigi niya, “Adier, adier, awachonu ni an e dhoranga duond rombe.

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.

2 Jo-Korintho 9:7

Ng’ato ka ng’ato mondo ochiw kaka oseparo e chunye, ma ok ochune, kendo ma ok oywago ang’e, nikech jachiwo mamor ema Nyasaye ohero.

Jo-Efeso 2:18

Kuom Kristo ema wan waduto, wanie gi thuolo mar dhiyo e nyim Wuoro kuom Roho achiel.

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Rapar mar Chik 12:27

Misengni miwang’o pep, moriwo ring’o gi remo nyaka chiw e kendo-mar-misango mar Ruoth Nyasaye ma Nyasachu. To remb misengni mau mag sawo, nyaka ol e kendo-mar-misango mar Ruoth Nyasaye ma Nyasachu, mak mana ring’o ema unyalo chamo.

Rapar mar Chik 15:21

To ka chiayo moro nigi songa, kata ka osuto, kata ka en muofu kata ka en gi mbala moro marach manade, to kik timgo misango ni Ruoth Nyasaye ma Nyasachu.

Rapar mar Chik 17:1

“Kik utim misango ni Ruoth Nyasaye ma Nyasachu gi rwath kata rombo kata diel man gi mbala kata songa, nikech gima kamano en kuero e nyim Ruoth Nyasaye.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.