Tich Joote 9:41 - MUMA MALER 2015

⁴¹ Petro norieyo bade, momako lwete, kendo okonye chung’. Eka noluongo mond liete kod jo-Nyasaye mamoko, mi omiyogi Tabitha kangima.

Motingʼo Loko Manyien

⁴¹ Petro nomako bade mi okonye chungʼ gi tiende. Bangʼe noluongo jopuonjre kod mon ma chwogi otho mane ni oko mi omiyogi Tabitha kangima.

Tich Joote 9:41 ပူးပေါင်းရင်းမြစ်များ

Chakruok 45:26

Ne giwachone niya, “Josef pod ngima! En e morito piny Misri duto!” Jakobo nobwok ahinya, kendo ne ok oyie ni wachgino en adier.

1 Ruodhi 17:23

Elija nokawo nyathi, molorgo koa e gorofa. Nomiye min mare, kowacho niya, “Neye! Wuodi ngima.”

2 Ruodhi 6:7

Elisha nokone ni, “Kawe.” Mi ng’atno notero lwete, mokawe.

Ayub 29:13

Ji ma ne nigi chandruok madongo ne paka, kendo ne akueyo chuny mond liete.

Zaburi 146:9

Orito jopinje mamoko modak e piny joge, bende okonyo mond liete gi nyithi kiye, to orocho gik ma joricho ochano timo!

Mariko 1:31

Yesu ne odhi ire, momako lwete kendo ochunge. Midhusu mane dhakono nigo norumo, kendo notiyonigi.

Luka 7:12

To kane ochopo e dhoranga dalano, noromo gi ji moting’o ng’at motho, ma gidhi yiko. Ng’at mothono ne wuowi ma miderma, ma wuod dhako ma chi liel. Noyudo ka jodalano mang’eny jodhi kod min mare kar yiko.

Luka 7:15

Mi ng’atno noa malo, mochako wuoyo, kendo Yesu nomiye min mare.

Tich Joote 20:12

To ne gikawo wuowino mi gidwoko dala kangima, kendo mano nodwogo chunygi ahinya.

Tich Joote 3:7

Eka nomako bad ng’atno ma kor achwich, mi okonye chung’. Gikanyono tiende ng’atno gi ombong’ne noyudo teko.

Tich Joote 6:1

E ndalogo, kane jopuonjre koro medore mang’eny, jo-Yahudi mong’eyo dho Grik nochako ng’ur gi jowetegi mong’eyo mana dho Hibrania kende, nikech mondgi ma chwogi otho ne ojwang’, mi ok yud pok mapile.

Tich Joote 9:13

Anania nodwoke ni, “Ruoth, ji mathoth osenyisa wach ng’atni, kendo kaka notimo timbe malich mang’eny ni jogi man Jerusalem.

Tich Joote 9:32

Petro to ne wuotho kuonde duto kolando Wach Maber, kendo chieng’ moro nodhi limo jo-Nyasaye mane odak Luda.

1 Timotheo 5:3

Nyaka ipar mond liete modong’ kendgi chuth.

1 Timotheo 5:5

Chi liel hiehie en chi liel modong’ kende, maonge watne moro, en ogeno mana Nyasaye, kendo osiko kolemo, kendo osayo Nyasaye odiechieng’ gotieno.