Tich Joote 9:38 - MUMA MALER 2015

³⁸ To kaka Jopa ne chiegni gi Luda, jopuonjre nowinjo ni Petro ni kuno, omiyo ne gioro ji ariyo ire, ka gikwaye ni, “Kiyie, to bi irwa mak ideko.”

Motingʼo Loko Manyien

³⁸ Lida ne chiegni gi Jopa, omiyo ka jopuonjre nowinjo ni Petro ni kuno, ne giorone ji ariyo, ka gikwaye niya, “Yie ibi irwa piyo ma ok odeko!”

Tich Joote 9:38 ပူးပေါင်းရင်းမြစ်များ

2 Weche mag Ndalo 2:16

Wanatong’ yien Lebanon moromo kaka idwaro, mi watuegi kanyakla kendo wakwang’gi e nam nyaka Jopa, eka iniomgi kuno kiterogi Jerusalem.”

Ezra 3:7

Jogedo gi jopa kite ne gimiyo pesa, to jo-Sidon gi jo-Turo ne gimiyo chiemo gi gik mimadho kod mo, mondo odhi Lebanon, okwang’ yiend sida nyaka dhowath Jopa. Kuros ruodh Persia ema nosemiyogi thuolo mar timo kamano.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.

Tich Joote 10:5

To koro or wach Jopa, iluong ng’at moro ma nyinge Simon, ma bende iluongo ni Petro.

Tich Joote 10:8

Eka nonyisogi weche duto, mi oorogi Jopa.

Tich Joote 11:13

Ne onyisowa kaka ne oseneno malaika kochung’ e ode, kendo owachone ni, ‘Or wach Jopa mondo iluong ng’at moro ma nyinge Simon Petro.

Tich Joote 11:26

to kane osenwang’e nokele Antiokia. Kuom higa ngima ji ariyogo nochokore gi jo-Kristo.

Tich Joote 11:5

“Ne oyudo alemo e dala mar Jopa, kendo ayula wang’ notera, mi apo ka aneno fweny. Ne aneno gimoro maduong’ machalo gi nanga, kiloro gi kondene ang’wen, koa e polo, mi obiro ochung’ buta.

Tich Joote 9:19

kendo kane osechiemo, tekone noduogo. Kane Saulo osebet Damaski gi jopuonjre kuom kinde matin,

Tich Joote 9:32

Petro to ne wuotho kuonde duto kolando Wach Maber, kendo chieng’ moro nodhi limo jo-Nyasaye mane odak Luda.

Tich Joote 9:36

Bende ne nitie japuonjre moro manyako Jopa, ma nyinge Tabitha. (Dho Grik to luongo nyingeno ni Dorka, tiende ni Nyakech.) Ne osiko kotimo timbe mabeyo, kendo okonyo joma odhier.

Tich Joote 9:42

Wach gima notimoreno nolandore e Jopa duto, mi ji mathoth noyie kuom Ruoth.

Tich Joote 9:43

Petro nomedo bet Jopa kuom ndalo mang’eny, kodak gi ng’at moro ma janyong’ piende ma nyinge Simon.

Joshua 19:46

gi Mejarkon kod Rakon, kaachiel gi piny momanyore gi Jopa.