Tich Joote 9:31 - MUMA MALER 2015

³¹ Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

Motingʼo Loko Manyien

³¹ Bangʼ lokruok Saulo, kanisa man Judea gi Galili kod Samaria nobedo gi kwe maonge luoro. Roho Maler nokonyogi, mi gibedo motegno kendo kwan joma oyie kuom Kristo nomedore pile. Joma oyie kuom Kristo nodak koluoro Ruoth Nyasaye.

Tich Joote 9:31 ပူးပေါင်းရင်းမြစ်များ

1 Weche mag Ndalo 22:18

“Ruoth Nyasaye ma Nyasachu ni kodu. Osemiyou kue kuonde duto, kendo osechiwo joma odak e pinyni e lweta, mi koro giyie loch Ruoth Nyasaye gi joge.

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 111:10

Luoro Nyasaye e chakruok mar rieko, kendo joma timo kamano yudo rieko mang’eny. Nyaka pake mochwere!

Zaburi 86:11

A Ruoth Nyasaye, nyisa yori mondo awuothie gi adiera. Puonja kaka daluori gi chuny achiel.

Zaburi 94:13

nikech imiye yueyo e kinde mag chandruok ka joricho to ichikonigi obadho.

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 23:17

Kik nyiego maki gi gik ma joricho nigo, to luor mana Ruoth Nyasaye ndalo duto.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Zekaria 8:20

Bende magi e weche Ruoth Nyasaye Manyalo Gik Moko Duto: “Kinde biro chopo ma ogendini madongo moa e pinje marateke kendo e mier madongo nobi Jerusalem.

Tich Joote 12:24

Wach Nyasaye nolandore, kendo joma oyie nomedore ameda.

Tich Joote 16:5

Kamano kanyakla mag jo-Kristo nomedo bedo gi yie motegno kendo kwan joma oyie bende nomedore ameda pile.

Tich Joote 2:47

ka gipako Nyasaye, kendo ka ji duto mor kodgi. To odiechieng’, Ruoth ne medonigi joma owar e kanyaklagi.

Tich Joote 20:32

“To koro aketou e lwet Nyasaye, kendo akwayo mondo wach ng’wonone oritu. En ema onyalo dongou, mi omiu mwandu mokan ni jo-Nyasaye duto.

Tich Joote 5:11

Luoro maduong’ nomako ji duto moyie kuom Kristo, kaachiel gi ji duto mane owinjo gima otimore.

Tich Joote 6:7

Kamano Wach Nyasaye nolandore, kendo kwan jopuonjre nomedore ahinya e Jerusalem. Jodolo mang’eny bende noyie kuom Yesu.

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

Jo-Rumi 14:17

nikech Loch Nyasaye ok en wach mar chiemo kata mar madho gimoro, to en mana wach tim makare gi kue kod mor ma Roho Maler kelo.

Jo-Rumi 14:19

Emomiyo wadwaruru matek weche makelo kue kod weche ma ng’ato ka ng’ato dikonygo owadgi.

Jo-Rumi 15:13

Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

Jo-Rumi 5:5

To geno ma kamano ok kuod wiwa, nikech Roho Maler ma Nyasaye osemiyowa osepong’o chunywa gi hera mar Nyasaye.

1 Jo-Korintho 14:12

Kamano un bende, kaka ugombo ahinya nwang’o mich mag Roho, dwaruru matek mondo uti gi mich manyalo tego jo-Kristo.

1 Jo-Korintho 14:26

Koro owetena, ere gima ber monego utim? E chokruoku duto, ng’ato ka ng’ato kuomu mondo obed gi wer, kata gi puonj, kata gi fweny, kata gi wach midhumo, kata gi loko wach midhumono; to mago duto onego obed makonyo chokruok.

2 Jo-Korintho 10:8

Nyalo bet ni apakora moloyo kaka owinjore, kuom teko mane Ruoth omiyowa. To Ruoth nomiyowa tekono mondo wagerugo, to ok ni mondo wakethugo, omiyo ok ane wichkuot kuom timo kamano.

2 Jo-Korintho 12:19

Kamoro uparo ni watemo doko joma beyo e nyimu kwandikonu wechegi duto! Ooyo, wawuoyo mana e nyim Nyasaye, ka wan kuom Kristo. Osiepena, gik moko duto mwatimo, watimo mana ni mondo wagergo chunyu.

2 Jo-Korintho 13:10

Mano emomiyo andiko wechegi ka aonge kodu, ni mondo ka abiro, to kik abed mager katiyo gi teko mane Ruoth omiya, ma en teko mar gerou, to ok mar kethou.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jo-Efeso 4:12

Ne otimo kamano mondo omi jo-Nyasaye duto obed joma ong’eyo tich konyo ji, kendo tich gero ringre Kristo,

Jo-Efeso 4:16

kendo ringruok duto ochomore kuome, komakore gi leche duto ma en-go. En ema omiyo fuoni ka fuoni tiyo tichne. Kuom mano ringruok dongo kendo gerore kuom hera.

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Jo-Efeso 5:21

Beduru gi winjruok e kindu, kumiyogo Kristo duong’.

Rapar mar Chik 12:10

To ubiro ng’ado aora Jordan mondo udhi udag e piny ma Ruoth Nyasachu miyou ka mwanduu. Nomiu kue e kindu gi wasiku molworou koni gi koni, mi unudag maber.

Jo-Filipi 2:1

Ka bedowa kuom Kristo nyalo kelonwa hoch, kata hera maduogo chuny, kata bedo e achiel kuom Roho, kata ng’wono kod miwafu,

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

1 Jo-Thesalonika 5:11

Kuom mano, jiwreuru kendo konyreuru, mana kaka koro utimoni.

1 Timotheo 1:4

Bende nyisgi mondo giwe keto chunygi kuom sigendini manono kod sigendini mag anywola, nimar mago gin mana weche makelo mbaka ma ok rum, to ok gimi ji ng’e cheno mar Nyasaye, miyudo kuom yie.

Jo-Hibrania 4:9

Mano nyiso ni yueyo machalo gi yueyo mar chieng’ Sabato pod nitie ma jo-Nyasaye nyalo yudo,

Joshua 21:44

Ruoth Nyasaye nomiyogi kue e tong’gi duto kaka nosesingore ni kweregi. Onge wasikgi kata achiel mane nyalo sirogi, nikech Ruoth Nyaaye ema nomiyo giloyogi duto.

Juda 1:20

To un osiepena, meduru mana geroru kuom teko mar Roho Maler.

Jong’ad Bura 3:30

Kamano jo-Israel noloyo jo-Moab, mi pinyno nobedo gi kue kuom higni piero aboro.