Tich Joote 9:27 - MUMA MALER 2015

²⁷ Bang’e Barnaba nobiro mokawe otere ir joote. Nonyisogi kaka Saulo noseneno Ruoth Yesu e yo, kendo kaka Ruoth nosewuoyo kode, bende kaka Saulo nosewuoyo gi chir Damaski e nying Yesu.

Motingʼo Loko Manyien

²⁷ To Barnaba nokawe motere ir joote. Nonyisogi kaka Saulo noseromo gi Ruoth kane oyudo en e wuodhe, kaka Ruoth nosewuoyo kode, kendo kaka Saulo noseyalo gi chir kuom nying Yesu e Damaski.

Tich Joote 9:27 ပူးပေါင်းရင်းမြစ်များ

Tich Joote 11:22

Wachno nochopo ni Kanyakla mar jo-Kristo man Jerusalem, omiyo ne gioro Barnaba mondo odhi Antiokia.

Tich Joote 11:25

Bang’e Barnaba nodhi Tarso mondo odwar Saulo,

Tich Joote 12:25

Barnaba gi Saulo notieko tijgi, mi oa Jerusalem odok Antiokia ka gin gi Johana ma bende ne iluongo ni Mariko.

Tich Joote 13:2

To kane oyudo gilamo Ruoth, kendo gitueyo chiemo, Roho Maler nowacho nigi niya, “Walnauru Barnaba gi Saulo oti tich ma aseluongogi mondo giti.”

Tich Joote 15:2

To Paulo gi Barnaba nodhaw kodgi matek kakwerogi, omiyo owete noneno ni mondo ji ariyogo kaachiel gi jomoko odhi Jerusalem owuo gi joote kod jodong jo-Kristo kuom wachno.

Tich Joote 4:13

Kane jobura oneno chir ma Petro gi Johana nigo, to gin mana ji ajia ma ok osomo, ne giwuoro ahinya. Eka ne gifwenyo ni yande giwuotho gi Yesu.

Tich Joote 4:29

To koro Ruoth, yie iwinj siem ma gisiemowago, mondo imi jotichni oland wachni gi chir duto.

Tich Joote 4:36

Kamano bende e kaka ja-Lawi moro moa Saipras ma nyinge Josef, mane joote ochako bende ni Barnaba, (Tiende ni jal majiwo ji,)

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Tich Joote 9:29

Nowuoyo gi jo-Yahudi maluwo tim jo-Grik, kendo nogoyo kodgi mbaka, to ne gitemo mondo ginege.

1 Jo-Korintho 15:8

Bang’e mogik, an bende nofwenyorena apoya, mana ka nyathi monywol apoya.

1 Jo-Korintho 9:6

Koso wan gi Barnaba kende ema nyaka wati mondo wayud gik ma wakonyorego?

Jo-Galatia 2:13

Jo-Yahudi moko mane ni kuno bende noriwore kode e ndhogruok ma kamano, mi kata mana Barnaba bende ne ndhogruokgino oywayo!

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.