Tich Joote 8:39 - MUMA MALER 2015

³⁹ To kane giwuok e pi, Roho mar Nyasaye nokawo Filipo oago, mi jatelono ne ok ochako onene kendo, to nodhi nyime gi wuodhe, komor ahinya.

Motingʼo Loko Manyien

³⁹ To kane giwuok e pi, Roho Maler mar Ruoth Nyasaye nokawo Filipo apoya, mi ja-Ethiopiano ne ok ochako onene kendo to nodhi e wuodhe kopongʼ gi mor.

Tich Joote 8:39 ပူးပေါင်းရင်းမြစ်များ

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

2 Ruodhi 2:16

ka giwachone niya, “Wan gi joma rateke piero abich. Yie mondo gidhi gidwar jaduong’ni cha, dipo ka Roho mar Ruoth Nyasaye otere, moweye ewi got, kata e hoho moro.” Nodwokogi ni, “Kik uorgi.”

Zaburi 119:111

Chikeni gin mwanduna mosiko, kendo gin ema gimiyo chunya mor.

Zaburi 119:14

Chikeni miya mor, moloyo mor ma mwandu mang’eny miya.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Ezekiel 11:1

Roho ne oting’a malo, motera e dho Hekalu man yo wuok chieng’. Ne aneno ji piero ariyo gabich e bath dhorangach kanyo. Ji ariyo kuomgi ne Jaazania wuod Azur kod Pelatia wuod Benaya, ma jotelo mag oganda.

Ezekiel 11:24

Ne aneno e fweny ka Roho oting’a, mi odwoka Babulon ir joma nie tuech. Bang’e fwenyno nolalna nono.

Ezekiel 37:1

Ne awinjo ka teko Ruoth Nyasaye ni kuoma, mi Roho mare noting’a motera e holo kama choke opong’o.

Ezekiel 43:5

Roho noting’a, motera e laru maiye, mi aneno ka duong’ maler mar Ruoth Nyasaye opong’o Hekalu.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Mathayo 13:44

“Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Mathayo 3:16

To kane osebatise, nowuok oa e pi mana gikanyono, kendo polo ne oyaworene, mi oneno Roho mar Nyasaye ka lor ka akuru, kabiro kuome.

Mariko 1:10

Gikanyono mane Yesu owuokie pi, ne oneno ka polo obarore, kendo noneno Roho, machalo gi akuru, ka lor kuome.

Tich Joote 13:52

Jopuonjre mane ni Antiokia to nodong’ kopong’ gi mor kod Roho Maler.

Tich Joote 16:34

Nokawo Paulo gi Sila, motero e ode, kendo nomiyogi chiemo mondo gicham. Nodoko mamor ahinya kaachiel gi joode nikech koro ne oyie kuom Nyasaye.

Tich Joote 8:29

Roho Maler nowachone Filipo niya, “Dhiyo iwuoth e bath garino.”

Tich Joote 8:38

Bang’ mano, jatelono nogolo chik mondo gari ochung’. Eka giduto ji ariyo, Filipo kod jatelono, ne jodonjo e pi, mi Filipo obatise.

Tich Joote 8:8

mi mor maduong’ nobet e dalano.

Jo-Rumi 5:2

Yesu ma wayie kuomeni ema oseyawonwa yo ma wayudogo gueth mar Nyasaye ma wan-goni, kendo wamor nikech wageno ni wanane duong’ mar Nyasaye.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

Jakobo 4:16

To kar timo kamano, to upakoru kusungoru! Pakruok duto ma kamago gin richo.