Tich Joote 8:32 - MUMA MALER 2015

³² To kama ne oyudo osomo e Muma ne wacho kama: “Ne ok owacho gimoro, to noling’ thi, mana ka rombo mitero kar yeng’o, kata ka rombo manie nyim joma ng’ado yiere.

Motingʼo Loko Manyien

³² Kama noyudo ngʼatno somo ndiko kama wacho ni: “Notere kar thone mana ka rombo mitero kar yengʼo, kendo nolingʼ ka nyarombo manie lwet ngʼama ngʼado yiere, omiyo en bende ne ok otingʼo dhoge.

Tich Joote 8:32 ပူးပေါင်းရင်းမြစ်များ

Zaburi 39:2

Omiyo ne aling’ thi, ma ok awuoyo kata mana kuom gima ber. To kata kamano chandruokna nomedore ameda,

Zaburi 39:9

Aling’ thi, ma kata wuoyo ok anyal wuoyo, nikech in ema ikuma.

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 12:3

To Ruoth Nyasaye, ing’eya, kendo ineno gik ma atimo, bende inono chunya mondo ine kaka aheri. Ywa joma richogi oko ka rombe ma idwaro yang’o, kendo ketgi tenge nyaka chieng’ minegogie chopi.

Jeremia 51:40

Abiro terogi mondo oyang’gi mana kaka iyang’o jamni. An Ruoth Nyasaye ema awacho kamano.

Kwan 7:39

gi nyarwath gi im gi nyaim ma hike achiel mitimogo misango miwang’o pep,

Kwan 7:57

gi nyarwath gi im gi nyaim ma hike achiel mitimogo misango miwang’o pep,

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Tich Joote 8:31

To ng’atno nodwoke ni, “Ere kaka dawinj tiende, ka ng’ato ok onyisa?” Eka nokwayo Filipo mondo oidh kode e gari.

Jo-Rumi 8:36

Adier, mago timorenwa mana kaka Muma wacho niya, “Inegowa seche duto nikech in, kendo wachalo mana gi rombe midwaro yang’o.”

1 Jo-Korintho 15:3

Wach maduong’ie moloyo akelonu, kendo ma an bende nokelna, en ni: Kristo notho nikech richowa, kaka Muma wacho.

1 Petro 1:19

to nowaru gi remo ma nengone tek mar Kristo, mane ochiw ka nyarombo motimgo misango ma onge songa kata mbala.