Tich Joote 8:27 - MUMA MALER 2015

²⁷ Kuom mano, Filipo noa malo, modhi kuno. To noyudo jatend Ethiopia moro mabwoch wuotho e yorno. Ne en ng’at man gi duong’ ahinya, mane rito mwandu mag Kandake, ruoth madhako mar Ethiopia.

Motingʼo Loko Manyien

²⁷ Kuom mano, Filipo nochako wuoth, to kane oyudo odhi, noromo gi ja-Ethiopia mabwoch, mane en jatelo maduongʼ morito mwandu duto mag Kandake, “ruoth ma dhako mar jo-Ethiopia.” Ngʼatni noa lemo Jerusalem,

Tich Joote 8:27 ပူးပေါင်းရင်းမြစ်များ

1 Ruodhi 10:1

Kane ruoth madhako ma Sheba owinjo humb Solomon korka nying Ruoth Nyasaye, nobiro mondo oteme gi penj mang’eny matek.

Zaburi 68:29

e Hekalu mari man Jerusalem, kama ruodhi kelonie chiwo.

Zaburi 68:31

Joote madongo moa Misri nobi iri. Jo-Ethiopia to noting’ bedegi malo ka lami, A Nyasaye.

Zaburi 87:4

“Ka akwano ogendini moyie kuoma, to anakwan koda ka jo-Misri gi jo-Babulon, kendo ananyis jo-Filistia gi jo-Turo kod jo-Ethiopia ni gin bende gin jo-Jerusalem.”

Isaya 18:7

E ndalogo, ogandano noter chiwo e nyim Ruoth Nyasaye Manyalo Gik Moko Duto. Gin ji maboyo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo. Ginikel chiwogo e got Sayun, kama ji lamoe Ruoth Nyasaye Manyalo Gik Moko duto.

Isaya 43:6

Abiro wacho ni jo-nyandwat ni mondo oweu. Jo-milambo to abiro nyiso niya, “Kik ugeng’nigi,

Isaya 45:14

Ruoth Nyasaye owacho niya, “Jotich mag Misri gi joohala mag Nubia kod jo-Sabea ma roboche nobed e bwo lochu, mi lokre wasumbu. Adier, ginibi iru kotuegi gi nyororo, mi gikulrenu ka gimiyou duong’, kendo ka giwacho niya, ‘Chutho Nyasaye ni kodu, kendo Nyasaye moro onge. En kende e Nyasaye.’ ”

Isaya 60:3

Ogendini gi ruodhigi nobi e lerni mathinyore.

Isaya 60:6

Ngamia mang’eny moa Midian gi Efa nopong’ pinyi. Giduto ginia Sheba ka gikelo dhahabu kod ubani, kendo ka gipako Ruoth Nyasaye gi wer.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Jeremia 13:23

Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Jeremia 38:7

To Ebed-melek, ja-Ethiopia ma jatich mabuoch mane tiyo e od ruoth, ne owinjo ni jodongogo onyumo Jeremia e sokono. E sano ne oyudo ka ruoth nie bura e dhorangach miluongo ni Ranga Benjamin.

Jeremia 39:16

mondo odhi onyis Ebed-edom ja Ethiopia ni Ruoth Nyasaye Manyalo Gik Moko Duto kendo ma Nyasach Israel osewacho niya, “Abiro ketho dalani, kendo ok abi guedhe, mana kaka nasingora ni natim. To ka chieng’no ochopo mi gigo otimore, to inibedie, kendo ininegi ka gitimore.

Zefania 3:10

Joga malama kendo moke loka aora mag Ethiopia, nobi kakelona mich.

Mathayo 12:42

Chieng’ Bura, Ruoth madhako mar piny milambo nochung’, kendo nodonjnu nikech ne oa kuma bor ahinya mondo obi owinj rieko Solomon. To awachonu ni koro nitie gimoro kaeri man gi duong’ moloyo Solomon.

Johana 12:20

Ne nitie jo-Grik moko kuom joma ne odhi lemo e Sawono.

Tich Joote 8:28

Ne oyudo oa Jerusalem, kuma ne osedhi lamoe Nyasaye, kendo koro ne odok thurgi, koidho gache, kendo osomo kitap janabi Isaya.

Rapar mar Chik 30:13

Bende ok en loka nam, ma dimi uwach ni, ‘Ng’ama ding’adnwa nam mondo okelwago, mi opuonjwa, eka warite?’

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.