Tich Joote 8:13 - MUMA MALER 2015

¹³ Kata mana Simon owuon bende nolokore, moyie kuom Yesu, kendo kane osebatise nosiko kowuotho gi Filipo, kendo nowuoro ahinya koneno honni kod ranyisi mang’eny katimore.

Motingʼo Loko Manyien

¹³ Simon owuon bende noyie, bangʼe noyudo batiso, kendo nosiko koluwo bangʼ Filipo kamoro amora mane odhiye, kowuoro ranyisi madongo kod honni ma noneno ka Filipo timo.

Tich Joote 8:13 ပူးပေါင်းရင်းမြစ်များ

Habakuk 1:5

Ruoth Nyasaye ne odwoka niya, “Winjuru un joma andhokegi! Gimoro biro timore ma ubiro wuoro kendo biru bwogou, nimar abiro timo gimoro e ndalou, ma ok unuyie kinyisou.

Mathayo 3:6

Ne gihulo richogi, kendo nobatisogi e aora Jordan.

Mariko 16:17

Ranyisi ma joma oyie nobedgo e magi: Ginigol jochiende e nyinga, kendo ginidhum gi dhok mawendo,

Luka 8:13

To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Johana 5:20

Wuoro ohero Wuowi, kendo onyise gik moko duto ma en owuon otimo, to bende enonyise timbe madongo moloyo magi, mi unuwuor!

Johana 7:21

Yesu nowachonigi niya, “Ne atimo gimoro achiel kende chieng’ Sabato, mi ubwok uduto.

Tich Joote 13:44

Chieng’ Sabato maluwo mano, chiegni ji duto manie dalano nobiro mondo owinj Wach Ruoth.

Tich Joote 19:11

Nyasaye nomiyo Paulo otimo honni madongo miwuoro!

Tich Joote 3:10

To kane gifwenyo ni en e jal mane bet ka kwecho e dhoranga Hekalu miluongo ni Dhorangach Malong’o cha, ne gihum mi gidhier nono kuom gima notimorene.

Tich Joote 8:21

Ionge gi giri moro, kata migawo moro e tijwani, nikech chunyi ok long’o e nyim Nyasaye.