Tich Joote 7:59 - MUMA MALER 2015

⁵⁹ Kamano ne gigoyo Stefano gi kite, ka en to olamo Ruoth, kowacho niya, “Ruoth Nyasaye, yie ikaw chunya.”

Motingʼo Loko Manyien

⁵⁹ Kane oyudo gichiele gi kite, Stefano nolamo kowacho niya, “Ruoth Yesu, kaw chunya.”

Tich Joote 7:59 ပူးပေါင်းရင်းမြစ်များ

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

Zaburi 31:5

A Nyasaye, aketora e lweti mondo iwara, nimar in Nyasaye ma jaadiera.

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Joel 2:32

Chakre kanyo ng’ato ka ng’ato moluongo nying Ruoth Nyasaye noresi. Jomoko modak e got Sayun notony kuno. Ee, jomoko notony Jerusalem, mana kaka Ruoth Nyasaye osewacho. Joma Ruoth Nyasaye oluongo nobed mangima.”

Luka 23:46

Eka Yesu nokok matek niya, “Wuora, aketo chunya e lweti.” To kane osewacho kamano, chunye nochot.

Tich Joote 2:21

Chakre kanyo ng’ato ka ng’ato moluongo nying Ruoth noresi.” ’

Tich Joote 22:16

To koro ere gima pod irito? A malo obatisi, mondo olwokni richoni, kiluongo nying Ruoth.’

Tich Joote 9:14

Bende osebiro Damaski gi teko moyudo kuom jodolo madongo mondo omak ji duto moyudo ka luongo nyingi.”

Tich Joote 9:21

Ji duto mane owinje nodhier nono, mopenjore ni, “Donge ma e jal mane sando joma lamo Yesu Jerusalem cha? Koso donge nobiro ka mana ni mondo omakgi otergi ni jodolo madongo?”

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

2 Timotheo 2:22

Nyaka iring ia e gombo mag yawuowi, to ibed e kanyakla mar joma sayo Ruoth gi chuny maradier, kendo madwaro bedo joadiera, kendo madwaro tim makare gi hera kod kue.