Tich Joote 7:58 - MUMA MALER 2015

⁵⁸ Ne gigole oko e dala, mi gigoye gi kite. To joma nohangone wach kande noweyo lepgi ni wuowi moro ma nyinge Saulo.

Motingʼo Loko Manyien

⁵⁸ Ne giywaye mi gigole oko mar dala maduongʼ kendo gichako chiele gi kite. Joneno mag miriambo nohangone wach moketo lepgi e tiend wuowi moro ma nyinge Saulo.

Tich Joote 7:58 ပူးပေါင်းရင်းမြစ်များ

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

Kwan 15:35

Eka Ruoth Nyasaye nowacho ni Musa niya, “Ng’atno nyaka negi. Oganda duto nyaka goye gi kite oko mar kambi.”

Luka 4:29

Ne gichung’, mi gichwalo Yesu gigolo oko e dala, ka gitere e wi got kama ne ogerie dalagi, mondo gidhire piny kathirathira,

Tich Joote 22:20

Bende kane oneg Stefano mane hulo weche kuomi, ne antie, kendo ne ayie gi nekne, bende ne arito ni joma ne onege lepgi.’

Tich Joote 22:23

Ne gimedo kok matek ka gikwadho lepgi, kendo gikiro buru e kor yamo,

Tich Joote 22:4

Ne asando chwo gi mon mane luwo Yor Ruodhni, mi anego moko kuomgi, to moko aketo e jela.

Tich Joote 26:10

Adier, mano e gima ne atimo Jerusalem. Ne ayudo teko kuom jodolo madongo mi aketo jo-Nyasaye mang’eny e jela, kendo kane ong’adnigi buch tho, to an bende ne ayie ni mondo oneggi.

Tich Joote 6:11

Kuom mano, ne gimiyo jomoko asoya mondo owach ni ne giwinjo Stefano ka yanyo Musa kod Nyasaye.

Tich Joote 6:13

Eka ne gikelo jomoko mondo ohangne wach ni, “Jali pile yanyo Hekalu marwa maler, kod Chik Musa.

Tich Joote 7:57

Eka ne gikok matek ka gidino itgi gi luetgi, mi gimwomore kuome rat.

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

Rapar mar Chik 17:7

Joneno ema nyaka kwong goyo ng’at ma kamano gi kite, eka ji duto bende nogoye. Kamano e kaka unupwodhru kuom richo ma kamano.