Tich Joote 7:45 - MUMA MALER 2015

⁴⁵ Bang’e achien, kwerewa ne oyudo hemano kuom wuonegi. Ne giting’e ka gidhi gi Joshua, mi gikawo piny ogendini mane Nyasaye oseriembo mondo owenigi thuolo. Hema nobedo kuno nyaka ndalo Daudi.

Motingʼo Loko Manyien

⁴⁵ Kane kwerewa oyudo Hemani, ne gitingʼe ka Joshua otelonegi, nyaka negichopo kode e piny ogendini mane Nyasaye oseriembo mondo owenegi. Hemani ne gibedogo nyaka chop kinde mag Daudi.

Tich Joote 7:45 ပူးပေါင်းရင်းမြစ်များ

1 Ruodhi 8:4

Ne gikele kaachiel gi Hemb Romo, kod gik moko duto mane nie Hema mitiyogo tich Nyasaye. Jodolo kod jo-Lawi ema nokelogi.

1 Weche mag Ndalo 16:39

Daudi noweyo bende Zadok jadolo kod owetene ma jodolo e Hema mar Ruoth Nyasaye, mane nie hembko mar Gibeon,

1 Weche mag Ndalo 21:29

Kata obedo ni e ndalogo Hema Maler mar Ruoth Nyasaye kod kendo-mar-misango mane Musa oloso e thim ne pod ni e hembko man Gibeon,

1 Weche mag Ndalo 7:27

to Elishama nonywolo Nun, to Nun nonywolo Joshua.

Nehemia 9:24

Kane nyikwagi odonjo e pinyno mokawo, niloyonigi jo-Kanaan mane oyudo odak kuno, michiwogi kaachiel gi ruodhigi e lwet jo-Israel mondo otim kodgi gima gihero.

Zaburi 44:2

Ne ginyisowa kaka in iwuon ne iketogi e pinywani to iriembo ogendini mane ok ong’eyi, kendo kaka ne ikumo ogendini mamokogo, to imiyo jogi iwuon odak maber.

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Zaburi 80:8

Ne igolo yadh mzabibu e piny Misri, mi iriembo ogendini moko e pinygi, eka ipidhee,

Tich Joote 13:19

Eka notieko ogendini abiriyo mane oyudo odak e piny Kanaan, mi omiyo joge owuon pinyno.

Rapar mar Chik 32:49

“Idh got Nebo ma en achiel kuom gode Abarim manie piny Moab, yo wuokchieng’ mar Jeriko, mondo irang piny Kanaan ma abiro miyo jo-Israel ka mwandugi.

Jo-Hibrania 4:8

Ka dine bed ni Joshua osemiyogi kar yueyo, to Nyasaye ok dochako owuoyo kuom kinde machielo.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Joshua 23:9

Ruoth Nyasaye oseriembonu ogendini madongo kendo marateke, ma onge kata achiel kuomgi mane nyalo sirou.

Joshua 24:18

To bende Ruoth Nyasaye noriembo jo-Amor gi ogendini moko ma nodak e pinyni mondo owenwa thuolo. Kuom mano, wan bende wabiro tiyo ni Ruoth Nyasaye, nimar en Nyasachwa.”

Jong’ad Bura 18:31

Kido manono mane Mika olosono nosiko kuno ndalo duto mane od Nyasaye ni Shilo.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.