Tich Joote 7:36 - MUMA MALER 2015

³⁶ Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Motingʼo Loko Manyien

³⁶ Ne otelonegi kogologi Misri, kendo notimo honni madongo gi ranyisi e piny Misri, e Nam Makwar, kendo timo honni mamoko bende e thim kuom higni piero angʼwen.

Tich Joote 7:36 ပူးပေါင်းရင်းမြစ်များ

Nehemia 9:10

Nitimo ranyisi gi honni misandogo Farao gi joge kod ji duto mane ni e pinye, nimar ning’eyo kaka ne gitiyo kwerewa gi achaye. Kamano nimiyo nyingi obedo gi huma mosiko nyaka chil kawuono.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Zaburi 95:8

“Kik wiu dok matek kaka ne wi kwereu odoko matek, kane gin Meriba, chieng’ mane gin Masa e thim cha.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 14:21

Musa norieyo bade e nam, mi Ruoth Nyasaye notugo yamb ugue mokudho matek otieno duto, mi nam nong’wel, kendo kama ne pi nitie nodoko motwo. Pigno nopogore diriyo,

Wuok 16:35

Jo-Israel nochamo manna kuom higni piero ang’wen, nyaka ne gichopo e piny mane ginyalo dakie. Ne gichamo mannano kamano nyaka ne gichopo e mbap piny Kanaan. (

Wuok 3:20

To abiro tiyo gi tekona, mi nasand Misri gi honni duto ma natim kuno. Eka bang’e noyienu mondo udhi.

Wuok 33:1

Ruoth Nyasaye nowacho ni Musa niya, “Wuoguru in kaachiel gi joma nigolo Misri, kendo udhi e piny mane asingora ni nami Ibrahim gi Isaka kod Jakobo, kawachonigi ni nami nyikwagi pinyno.

Johana 4:48

Yesu nowachone niya, “Un, ka ok uneno ranyisi gi honni, to ok unyal bedo gi yie.”

Tich Joote 13:18

kendo nokurogi e thim kuom higni ma dirom piero ang’wen.

Tich Joote 7:42

To Nyasaye nojwang’ogi, moweyogi mondo gilam sulue mae polo, kaka ondiki e kitap jonabi ni, ‘Apenjou, un jo-Israel, bende an ema nukelona chiwo, kendo utimona misengni kuom higni piero ang’wen mane utieko e thimgo duto?

Rapar mar Chik 8:4

Kuom higni piero ang’wen go duto, lepu ne ok oti, kata tiendu ne ok okuot.

Jo-Hibrania 3:8

Kik wiu dog matek kaka ne wi kwereu odoko matek kane ging’anyo ni Nyasaye, e kinde mane giteme e thim.

Jo-Hibrania 3:9

Nyasaye wacho niya, ‘Kwereu notema kuno mondo ong’e chunya, kata obedo ni giseneno gik mane atimo kuom higni piero ang’wen.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’