Tich Joote 7:35 - MUMA MALER 2015

³⁵ “Kamano Musa, mane jo-Israel osekwedo, kapenjo ni ng’ano mane okete jatendgi kendo jang’adnigi bura, ema Nyasaye nooro ka jatelo kendo ka jawar, komiyo malaika mane ofwenyorone e bungu loso kode.

Motingʼo Loko Manyien

³⁵ “Ma e Musa mane oyudo gisekwedo kagiwacho ni, ‘En ngʼa ma oketi ruoth kendo jangʼadnwa bura?’ Nyasaye owuon mane ofwenyorene e kit malaika mane oneno e bungu noore mondo obed jatendgi kendo jaresgi.

Tich Joote 7:35 ပူးပေါင်းရင်းမြစ်များ

Zaburi 75:7

to Nyasaye e jang’ad bura. Odwoko ji moko piny, to moko oting’o malo.

Zaburi 77:20

Ne itayo jogi ka jakwath, ka gin e lwet Musa gi Harun.

Wuok 14:19

Malaika mar Nyasaye mane otelo e nyim oganda jolweny mar Israel noa modok kang’egi. Siro mar bor polo bende noa e nyimgi, mi nodok mochung’ kang’egi,

Wuok 14:24

Kane piny dwa yawore, Ruoth Nyasaye nong’iyo jolweny mag Misri gi e siro mar mach kod mar bor polo, mi nomiyo kihondko omakogi.

Wuok 2:14

Jalo nodwoke ni, “Ng’ano moketi jatendwa kata jang’adnwa bura? Koso idwaro nega kaka ninego ja-Misri cha?” Kane Musa owinjo kamano, kibaji nogoye, koparo ni, “Adier, kara nyaka bed ni wachni oseng’ere!”

Wuok 32:34

Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Wuok 33:2

Anaor malaika mondo otel nyimu, kendo anariemb jo-Kanaan gi jo-Amor gi jo-Hiti gi jo-Perizi gi jo-Hivi kod jo-Jebus.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Kwan 20:16

to kane waywak ni Ruoth Nyasaye mondo okonywa, nowinjo ywakwa, mooro malaika mogolowa Misri, omiyo koro wan Kadesh, dala ma en tong’ pinyi.

Mariko 12:26

To kuom wach chiero joma otho, pok usomo e kitap Musa wach bungu maliel, kaka Nyasaye nowacho ni Musa ni, ‘An e Nyasach Ibrahim, gi Nyasach Isaka kod Nyasach Jakobo’?

Luka 19:14

To jothurgi ng’atno ne osin kode, omiyo ne gioro joote kuma ne odhiyeno gi wach ni, ‘Ok wadwar mondo jalo obed ruodhwa.’

Johana 18:40

To ne gidwoke ni, “Ooyo, ok wadwar jali! To gonynwa mana Baraba!” Barabano to ne jamecho.

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

Tich Joote 2:36

“Jo-Israel duto koro nyaka ng’e maonge kiawa ni Nyasaye oseketo Yesu, mane uguro e msalaba, obed Ruoth kendo Mesia.”

Tich Joote 3:22

Musa nowacho niya, ‘Ruoth Nyasaye ma Nyasachu noyiernu jonabi moa kuom jou uwegi, mana kaka noyiera. Nyaka uwinj weche duto mowachonu.

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Tich Joote 7:30

“Bang’ dak kuno kuom higni piero ang’wen, malaika nofwenyorene e mach maliel e bungu, e thim mar got Sinai.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Jo-Kolosai 1:15

Kristo e kido mineno mar Nyasaye ma ok ne. En gi duong’ mar wuowi makayo, kendo en gi loch kuom chuech duto,

Jo-Hibrania 2:2

Wach Chik mane malaika okelo ne nigi teko, omiyo ng’at mane ok oluwe, kendo ok orite, noyudo kum moromo kode.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.