Tich Joote 7:3 - MUMA MALER 2015

³ mi owachone ni, ‘Dar iwe pinyu kod joodu mondo idhi e piny moro ma abiro nyisi.’

Motingʼo Loko Manyien

³ Nyasaye nowachone ni, ‘Dar iwe pinyu gi jou mondo idhi e piny ma abiro nyisi!’

Tich Joote 7:3 ပူးပေါင်းရင်းမြစ်များ

Chakruok 12:1

Ruoth Nyasaye nowacho ni Abram niya, “Dar iwe pinyu gi wedeni kod dhoodu, mondo idhi e piny moro ma abiro nyisi.

Chakruok 15:7

mi nowachone niya, “An e Ruoth Nyasaye mane ogoli Ur e piny Kaldea mondo omiyi pinyni idagie.”

Chakruok 20:13

Kuom mano kane Nyasaye ochika mondo awuog e dala wuora, kendo awuoth e pinje mamoko, nakwayo Sara niya, ‘Adwaro mondo itimna ng’wono kama. Kuonde duto ma wadhiye, to iwachie ni an owadu.’ ”

Nehemia 9:8

Niyudo ka en ng’at ma jaadiera e nyimi, mi nitimo kode singruok ni ibiro miye piny mane jo-Kanaan gi jo-Hiti gi jo-Amor gi jo-Perzi gi jo-Jebus kod jo-Girgash odakie, mondo obed mare gi nyikwaye. Kendo nichopo singruokno, nikech in jaadiera.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Luka 14:33

Kamano bende onge ng’ato kuomu manyalo bedo japuonjrena ka ok oweyo gige duto.

Tich Joote 7:4

Kuom mano, noa e piny jo-Kaldea, mi odhi odak Haran. To kane wuon mare osetho, Nyasaye nogole kuno, mokele e piny ma tinde udakieni.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.

Joshua 24:3

To ne agolo kwaru Ibrahim loka Yufrate, mi atelone kowuotho e piny Kanaan duto, kendo namiye nyikwayo mang’eny, namiye Isaka,