Tich Joote 7:14 - MUMA MALER 2015

¹⁴ Eka Josef nooro wach ni wuon mare, koluonge mondo obi Misri gi joodgi duto. Kar rombgi duto ne piero abiriyo gabich.

Motingʼo Loko Manyien

¹⁴ Bangʼ mano, Josef nooro wach mondo okelne Jakobo wuon mare kaachiel gi wedene duto, mane romo kar kwan ji piero abiriyo gabich.

Tich Joote 7:14 ပူးပေါင်းရင်းမြစ်များ

Chakruok 45:13

Nyisuru wuora kaka an gi teko e Misri, bende nyiseuru gik moko duto ma useneno ka, kendo ukele ira piyopiyo.”

Chakruok 46:12

To yawuot Juda ne gin Er gi Onan, gi Shela gi Perez kod Zera. (To Er gi Onan ne jotho Kanaan.) Yawuot Perez ne gin Hezron gi Hamul.

Zaburi 105:23

Bang’e Jakobo nodhi Misri, mi odak e piny nyikwa Hamno.

Wuok 1:5

Kar romb joka Jakobogo duto noromo piero abiriyo. (Josef to noyudo ka ni Misri.)

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Rapar mar Chik 10:22

Kane kwereu odhi Misri, ne gin mana ji piero abiriyo kende, to koro Ruoth Nyasaye osemiyo unya ka sulue mae polo.