Tich Joote 6:9 - MUMA MALER 2015

⁹ To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.

Motingʼo Loko Manyien

⁹ Kata kamano, jomoko nochako kedo kode. Jogi ne gin jokanyo mar oganda mane iluongo ni sinagogi mar wasumbini mogony. Ne gin jo-Yahudi modak Kurene, gi Aleksandria kod gwenge mag Kilikia kod Asia. Jogi nochako mino wach gi Stefano,

Tich Joote 6:9 ပူးပေါင်းရင်းမြစ်များ

Mathayo 10:17

To beduru motang’ ni ji, nimar ginimaku mi yalu e bura, kendo ginichwadu e utgi mag lemo.

Mathayo 23:34

Mano emomiyo abiro oronu jonabi gi ji mariek kod jopuonj Chik. Moko kuomgi ubiro nego, kuguro e msalaba, to moko unuchwad e uteu mag lemo, kendo unulawgi e dala ka dala.

Mathayo 27:32

Kane giwuok oko, ne ginwang’o ja-Kurene moro ma nyinge Simon, mi gichuno mondo oting’ni Yesu msalape.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Luka 21:12

“To kapok gigo duto otimore, to nomaku, mi sandu, kendo noteru mondo oyalu e nyim jodong ut lemo, mi ketu e jela. Bende giniteru e nyim ruodhi kod jodongo nikech an.

Tich Joote 11:20

To kata kamano jomoko kuomgi ne joma oa Saipras gi Kurene. Gin to ka ne gichopo Antiokia, to ne gilando wach ni joma ok jo-Yahudi bende, ka ginyisogi Wach Maber mar Yesu Kristo.

Tich Joote 13:1

Kuom kanyakla mar jo-Kristo man Antiokia manie piny Kilikia ne nitie johul wach kod jopuonj. Ne gin Barnaba gi Simeon miluongo ni Rateng’, gi Lukio ja-Kurene, gi Manaen, mane opidh kaachiel gi ruoth Herode, kod Saulo.

Tich Joote 13:45

To kane jo-Yahudi oneno oganda maduong’no nyiego nomakogi ahinya, mi gidagi weche Paulo, ka gikwere kendo giyanye.

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 16:6

Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Tich Joote 18:24

Ja-Yahudi moro monywol Aleksandria ma nyinge Apolo, nobiro Efeso. Ne en ng’ama ong’eyo wuoyo maber ahinya, kendo Muma bende nong’eyo maber.

Tich Joote 19:10

Notimo kamano kuom higni ariyo, omiyo jo-Yahudi gi joma ok jo-Yahudi duto mane odak e piny Asia nowinjo wach Ruoth.

Tich Joote 19:26

To uneno kendo uwinjo uwegi gima jal miluongo ni Pauloni timo! Opuonjo ji ni nyiseche ma dhano ema oloso, ok gin nyiseche kata matin, kendo wechenego oseywayo ji mang’eny mi oyie kode. To mano ok timre mana e Efeso kaeri kende, to ochiegni landore e piny Asia duto.

Tich Joote 21:27

Kane ndalo abiriyo mag puodhruok chiegni rumo, jo-Yahudi moko moa e piny Asia noneno Paulo e Hekalu. Ne githuo ji duto kode, mi gimake

Tich Joote 21:39

To Paulo nodwoke ni, “An ja-Yahudi monywol Tarso, dala marahuma, manie piny Kilikia. To asayi, yiena awuo gi jogi.”

Tich Joote 22:19

An to ne adwoke ni, ‘Ruoth, ging’eyo malong’o ni an ema ne abet kadhi e ut lemo duto, mi amako joma oyie kuomi, kendo agoyo.

Tich Joote 22:3

“An ja-Yahudi, monywol Tarso e piny Kilikia, to Jerusalem kaeri ema adongoe, ka an japuonjre Gamaliel. Ne apuonjora maber kaka onego arit Chik kwerewa e yo makare, kendo ne achiwora ni tich Nyasaye mana kaka un duto uchiworu kawuononi.

Tich Joote 23:34

Kane ruoth osesomo barua, ne openjo Paulo ni en japiny mane. To kane oseng’eyo ni en ja Kilikia,

Tich Joote 24:18

Mano e gima ne ginwang’a e Hekalu ka atimo, kendo ka asepuodhora. Onge ji mathoth mane ni koda, kendo koko moro bende ne onge.

Tich Joote 26:11

Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

Tich Joote 6:10

To Roho Maler nomiyo Stefano rieko mang’eny, omiyo kane oloso, to ne ok ginyal loye.

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?

Jo-Galatia 1:21

Bang’e ne adhi e gwenge moko mag Siria gi Kilikia.