Tich Joote 5:40 - MUMA MALER 2015

⁴⁰ Ne giluongo joote e nyimgi, mi gichwadogi, kendo gisiemogi mondo kik gichak giland wach e nying Yesu. Eka ne gigonyogi.

Motingʼo Loko Manyien

⁴⁰ Negirwako weche Gamaliel, omiyo negiluongo joote irgi mi gigolo chik mondo ochwadgi. Eka negisiemogi matek ni kik giwuo kuom nying Yesu, bangʼe ne giweyogi gidhi.

Tich Joote 5:40 ပူးပေါင်းရင်းမြစ်များ

Ngeche 12:10

Ng’at maber rito jambe gi ng’wono. Ng’at marach to sando jambe asanda.

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Amos 2:12

To ne umiyo jo-Nazir omadho divai, bende nuchiko jonabi ni kik hul wachna.

Mika 2:6

Ji lwera, kawachona niya “Kik ilwerwa! We lwerowa gi weche ma kamago. Masira ma kamano ok bi makowa!

Mathayo 10:17

To beduru motang’ ni ji, nimar ginimaku mi yalu e bura, kendo ginichwadu e utgi mag lemo.

Mathayo 20:19

mi gikete e lwet joma ok jo-Yahudi mondo ochare kendo ochwade mi gure e msalaba. To chieng’ mar adek nochiere.”

Mathayo 23:34

Mano emomiyo abiro oronu jonabi gi ji mariek kod jopuonj Chik. Moko kuomgi ubiro nego, kuguro e msalaba, to moko unuchwad e uteu mag lemo, kendo unulawgi e dala ka dala.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Luka 20:10

To kane kinde ma olemo ochiekie ochopo, ne ooro jatichme ir jopurgo mondo oomne pokne kuom gik monyak e puodho. To jopurgo nogoyo ng’atno, moriembo gi lwete nono.

Tich Joote 5:28

“Donge ne wakwerou matek ni kik upuonj ji e nying ng’atni? To koro neyeuru gima usetimo! Usepong’o Jerusalem duto gi puonju, kendo udwaro kelo remb ng’atni e wiwa!”

2 Jo-Korintho 11:24

Jo-Yahudi nochwada kiboko piero adek gochiko, nyadibich.