Tich Joote 5:39 - MUMA MALER 2015

³⁹ To ka gia kuom Nyasaye, to ok unyal loyogi, kata da utim ang’o, to duyud mana ni ukedo gi Nyasaye!” Jobura noyie gi wachne.

Motingʼo Loko Manyien

³⁹ To ka oa kuom Nyasaye, to ok ubi nyalo gengʼogi, nono to dipo ka unwangʼo ni ukedo mana gi Nyasaye!”

Tich Joote 5:39 ပူးပေါင်းရင်းမြစ်များ

Chakruok 24:50

Laban gi Bethuel ne jodwoke niya, “Kaka wachni oa mana kuom Ruoth Nyasaye ok wanyal wachoe gimoro.

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

1 Ruodhi 12:24

Ruoth Nyasaye owacho kama, ‘Kik udhi uked gi oweteu ma jo-Israel, to ng’ato ka ng’ato mondo odog dala, nikech gima timoreni oa kuoma.’ ” Ne giwinjo wach Ruoth Nyasaye, mi gidok miechgi kaka Ruoth Nyasaye nowacho.

2 Ruodhi 19:22

To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Isaya 43:13

An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Isaya 45:9

Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Tich Joote 11:17

Koro ka Nyasaye ne omiyo jogo mana mich mane omiyowa kane wayie kuom Ruoth Yesu Kristo, to an ne an ng’a, ma dine atam Nyasaye timo gima odwaro?”

Tich Joote 23:9

Koko nomedore, kendo moko kuom jopuonj Chik manie kanyakla mar jo-Farisai nochung’ mowuoyo matek kawacho niya, “Ok wane gima rach kuom ng’atni! Dipo ka Roho kata malaika owuoyo kode!”

Tich Joote 6:10

To Roho Maler nomiyo Stefano rieko mang’eny, omiyo kane oloso, to ne ok ginyal loye.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Tich Joote 9:5

Eka Saulo nopenjo ni, “In ng’a, Ruoth?” Dwolno nodwoke ni, “An e Yesu ma isando!

1 Jo-Korintho 1:25

nikech fup Nyasaye riek moloyo rieko mar dhano, kendo nyawo mar Nyasaye tek moloyo teko dhano.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?