Tich Joote 5:25 - MUMA MALER 2015

²⁵ To ng’at moro nobiro, mowachonigi niya, “Joma nyoro uketo e jela kande, aneno kochung’ e Hekalu, kapuonjo ji.”

Motingʼo Loko Manyien

²⁵ Eka ngʼat moro nobiro mowachonegi niya, “Winjieuru! Joma ne uketo e od twech ka aneno kochungʼ ei hekalu ka puonjo ji.”

Tich Joote 5:25 ပူးပေါင်းရင်းမြစ်များ

Zaburi 107:14

Ne ogologi oko e mudho, kendo e tipo mar tho, mi ochodo nyororo mane otuegigo.

Jeremia 26:2

Ruoth Nyasaye nowacho ni Jeremia niya, “Dhiyo ichung’ e laru mar Hekalu mondo inyis joma odak e miech Juda ma biro lemo e Hekalu weche ma asenyisi. Kik iwe kata wach achiel mak inyisogi.

Daniel 3:13

Kane ruoth owinjo kamano, mirima mager nomake, mi ogolo chik mondo okel ji adekgo ire.

Mathayo 10:18

Noteru e nyim jotelo, kendo e nyim ruodhi nikech an, mi unuland Wach Maber ni jogo, kendo ni joma ok jo-Yahudi.

Johana 11:46

To moko kuomgi nodok ir jo-Farisai, mohulonigi gima Yesu osetimo.

Tich Joote 3:1

Chieng’ moro, Petro kod Johana ne jodhi e Hekalu sa ochiko mar odhiambo, ma en sa lemo.

Tich Joote 5:24

Kane jorit Hekalu kod jodolo madongo owinjo wachno, ne gidhier nono, ka giwuoro gima ditim joote!

Tich Joote 5:26

Eka jatend jorit Hekalu nodhi gi askechene, mokelo joote mos, mak gitimo kodgi koko, nikech ne giluoro ni dipo ka ji ogoyogi gi kite.