Tich Joote 5:19 - MUMA MALER 2015

¹⁹ To gotienono malaika mar Ruoth nobiro, moyawo dhood jela. Nogologi oko mowachonigi niya,

Motingʼo Loko Manyien

¹⁹ To kane ochopo otieno, malaika mar Ruoth noyawo dhoudi duto mag od twech mogologi oko.

Tich Joote 5:19 ပူးပေါင်းရင်းမြစ်များ

Zaburi 146:7

Ong’ado bura, kochwako joma ithiro, kendo ochiwo chiemo ni joma denyo. Ruoth Nyasaye gonyo joma otue bedo thuolo,

Zaburi 34:7

Malaika mar Ruoth Nyasaye rito joma oluoro Ruoth Nyasaye kendo resogi.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Mathayo 1:24

Kuom mano, kane Josef ochiew oa e nindo, nokawo Maria obedo chiege, kaka malaika mar Ruoth nosewachone,

Mathayo 2:13

To kane ajuoke osewuok, malaika mar Ruoth nofwenyore ni Josef e lek, mowacho ne niya, “A malo, ikaw nyathi kod min mare mondo iring idhi Misri, kendo ibed kuno nyaka aduogni wach, nimar Herode biro dwaro nyathino mondo onegi.”

Mathayo 2:19

Bang’ tho Herode malaika mar Ruoth nofwenyore ni Josef e lek, ka en Misri,

Mathayo 28:2

To piny noyiengni matek apoya nono, kendo malaika mar Ruoth Nyasaye nolor koa e polo, mong’ielo kidi mane olorgo dho bur gi chien, mobetie.

Luka 1:11

Eka malaika mar Ruoth nofwenyore ni Zekaria kochung’ e bath kendo-mar-ubani korachwich.

Luka 2:9

Ne gipo ka malaika mar Ruoth obiro mochung’ butgi, kendo duong’ maler mar Nyasaye norieny moluorogi. Kibaji nogoyogi malich,

Tich Joote 10:3

Chieng’ moro kar sa ochiko mar odhiambo, nopo ka malaika mar Nyasaye obirone malong’o e fweny, mi olwonge ni, “Kornelio!”

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

Tich Joote 16:26

Eka ne gipo ka piny oyiengni matek, mi mise mar jela ondekni. Gikanyono dhoudi duto noyawore, kendo nyororo mag joma notue nogonyore.

Tich Joote 27:23

Ang’eyo kamano nikech nyoro gotieno malaika mar Nyasaye ma an ng’ate, kendo ma atiyone, nyoro obiro ira,

Tich Joote 8:26

Malaika mar Ruoth nowuoyo gi Filipo, mowachone ni, “A malo, mondo idhi yo milambo e yo moa Jerusalem kadhi Gaza.” (Yorno ng’ado e thim.)