Tich Joote 3:8 - MUMA MALER 2015

⁸ Eka ne ochikore, mochung’ tir kendo ochako wuoth. Bang’ mano, nodonjo kodgi e Hekalu, kowuotho kendo ochikore kendo opako Nyasaye.

Motingʼo Loko Manyien

⁸ Ngʼatno nochikore malo mi ochako wuoth. Bangʼe nodhi kodgi ei laru mar hekalu, kowuotho kendo kochikore kendo kopako Nyasaye.

Tich Joote 3:8 ပူးပေါင်းရင်းမြစ်များ

Isaya 35:6

Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Luka 18:43

Gikanyono wang’e noyepo, mi oluwo Yesu, komiyo Nyasaye duong’, kendo kane ji duto oneno gima otimore, ne gipako Nyasaye.

Luka 6:23

Beduru mamor ka gigo timorenu, kendo mieluru gi mor, nikech okannu pok maduong’ e polo. Kweregi bende notimo mana kamano ni jonabi.

Johana 5:14

Bang’e Yesu noyudo ng’atno e Hekalu, mowachone niya, “Winji! Kaka koro osechangi, koro we timo richo, nono to dipo ka gimoro marach moloyo otimi.”

Tich Joote 14:10

nowachone matek ni, “Chung’ tir gi tiendeni!” Eka ng’atno nochikore malo mochako wuoth.

Tich Joote 19:16

Eka ng’at man gi jachienno nopor kuomgi, mohewogi giduto, mi ne giringo gia e ode duge, ka gihinyore marach.

Tich Joote 3:7

Eka nomako bad ng’atno ma kor achwich, mi okonye chung’. Gikanyono tiende ng’atno gi ombong’ne noyudo teko.