Tich Joote 3:17 - MUMA MALER 2015

¹⁷ Eka Petro nodhi nyime kowacho ni, “To koro un jowetena, ang’eyo ni un kaachiel gi jodongu, ne utimo ni Yesu kamano ka ok ung’eyo gima utimo.

Motingʼo Loko Manyien

¹⁷ “To koro, owetena, angʼeyo ni ne utimo gigo ka ok ungʼeyo, mana kaka jotendu bende notimogi kane ok gingʼeyo.

Tich Joote 3:17 ပူးပေါင်းရင်းမြစ်များ

Chakruok 21:26

Abimelek nodwoke niya, “Ok ang’eyo wachno, nikech pok inyisago, to kawuono ema akwongo winjee.”

Chakruok 39:8

To Josef nodagi, mowachone niya, “Ruodha ok ong’eyo gimoro amora manie ode, kendo oseketo gik moko duto e lweta.

Chakruok 44:15

Josef nopenjogi niya, “Ang’o musetimoni? Donge nung’eyo ni ng’atno maduong’ ka an nyalo koro wach, mong’e gima usetimo?”

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Kwan 22:6

Omiyo bi piyo mondo ikuong’gi nikech ging’eny ahinya mohewowa. Bang’e dipo ka aloyogi, mi ariembogi oko e pinywa, nikech ang’eyo ni joma igwedho to yudo gueth, to joma ikwong’o to yudo kuong’.”

Luka 23:13

Pilato noluongo jodolo madongo gi jodongo kod ji duto,

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Johana 15:21

To ginitimnu kamano mana nikech an, nimar gikia Jal mane oora.

Johana 16:3

Ginitim kamano nikech ok ging’eyo Wuoro, kata an.

Johana 7:52

To ne gipenje ni, “In bende in ja-Galili koso? Som Muma, to ibiro yudo ni onge janabi manyalo wuok Galili!”

Tich Joote 13:27

nikech joma odak Jerusalem kod jodonggi ne ok ong’eyo ni Yesu e Jawar, bende ne ok giwinjo tiend weche jonabi misomo pile chieng’ Sabato ka Sabato. To kata kamano ka ne ginege, to ne gimiyo gima ne jonabi okoro otimore.

Tich Joote 22:5

Jadolo maduong’ kaachiel gi buch jodongo duto nyalo nyiso ni awacho adier, nikech ne gimiya barupe ma gindiko ni jo-Yahudi wetena man Damaski, mi ne awuok mondo adhi kuno amak joma luwo Yorno akel Jerusalem kotue mondo osandi.

Tich Joote 26:9

An awuon ne aparo ni onego atim gik moko duto maricho ma anyalo, nikech ne amon gi nying Yesu ja-Nazareth!

Tich Joote 28:21

To ne gidwoke niya, “Pok wayudoe barua moro moa Judea mawuoyo kuomi, to bende onge owetewa moko mosea kuno, mi obiro onyisowa wach moro marach kuomi.

Tich Joote 7:40

Omiyo ne giwacho ni Harun ni, ‘Losnwa nyiseche moko mondo otelnwa, nikech wakia gima osetimo Musa mane ogolowa Misrini!’

Jo-Rumi 11:2

Nyasaye ok osewito joge mane ong’eyo chon! Koso ukia gima Muma wacho kuom Elija? Donge owacho ni Elija noywagore ni Nyasaye kuom gima jo-Israel timo, kowacho niya,

1 Jo-Korintho 2:8

Onge kata achiel kuom jotend pinyni mane ong’eyo riekono, nikech ka dine bed ni ging’eye, to dine ok giguro Ruodh duong’ e msalaba.

2 Jo-Korintho 3:14

To chutho chuny jo-Israel nodinore, nikech nyaka chil kawuono chunygi pod oum gi rageng’no ka isomo Muma Machon, nimar rageng’no igolo mana ka ng’ato ni kuom Kristo.

Jo-Efeso 4:18

Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.

Jo-Filipi 1:22

To ka bet mangima e ringruok nyalo miyo ati tich moro maber, to kara ok ang’eyo gima dayier,

1 Timotheo 1:13

Kata obedo ni ne an ng’at mayanyo nyinge, kendo ma jasand ji, kendo ma jakwinyo, to ne okecha nikech ne atimo gigo kane pok ayie, kendo ka akia gima atimo.