Tich Joote 3:1 - MUMA MALER 2015

¹ Chieng’ moro, Petro kod Johana ne jodhi e Hekalu sa ochiko mar odhiambo, ma en sa lemo.

Motingʼo Loko Manyien

¹ Chiengʼ moro achiel, kar sa ochiko odhiambo, mane en sa mar lemo noyudo ka Petro gi Johana odhi e hekalu.

Tich Joote 3:1 ပူးပေါင်းရင်းမြစ်များ

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

Zaburi 55:17

Aywak kendo achur okinyi gi odiechieng’ kod otieno, kendo ang’eyo ni obiro winjo ywakna.

Wuok 29:39

Ineg nyarombo achiel gokinyi, to machielo ineg godhiambo.

Daniel 6:10

Kane Daniel owinjo ni oseket sei e chikno, nodhi e ode. To ewi ode ne nitie ot moro mane nigi dirise mochomo yo Jerusalem. Ei odno Daniel ne pod dhi adhiya nyime gi goyo chonge piny e dho dirisego, kolamo Nyasaye nyadidek e odiechieng’ achiel kaka ne ojatimo pile.

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Kwan 28:4

Nyaim achiel unutimgo misango gokinyi, to machielo unutimgo misango godhiambo mar ang’ich welo.

Mathayo 17:1

Bang’ ndalo auchiel, Yesu nokawo Petro kaachiel gi Jakobo kod Johana owadgi Jakobo, moterogi malo ewi got mabor kar kendgi.

Mathayo 26:37

Nokawo Petro gi yawuot Zebedi ariyo odhigo. Eka chunye nochako doko malit, ka oparore ahinya.

Mathayo 27:45

Piny duto notimo mudho, chakre sa auchiel nyaka sa ochiko,

Luka 1:10

ka ji to lemo oko e kinde mane iwang’oe ubani.

Luka 18:10

“Ji ariyo nodhi e Hekalu mondo olem. Achiel ne ja-Farisai, to machielo ne jasol osuru.

Luka 22:8

Yesu nooro Petro kod Johana, kowachonigi ni, “Dhiuru ulosnwa Pasaka mondo wabi wacham.”

Luka 24:53

kendo ne gisiko e Hekalu pile ka gidendo Nyasaye.

Johana 21:7

Eka japuonjre mane Yesu ohero cha nowacho ni Petro ni, “En Ruoth!” Kane Simon Petro owinjo ni en Ruoth, notueyo nangane e nungone, nikech ne en duk, mi ochikore e nam.

Tich Joote 10:3

Chieng’ moro kar sa ochiko mar odhiambo, nopo ka malaika mar Nyasaye obirone malong’o e fweny, mi olwonge ni, “Kornelio!”

Tich Joote 10:30

Kornelio nodwoke niya, “Ndalo adek mokadho, ne oyudo alemo e oda kar sa ochiko mar odhiambo. To ne apo ka ng’at moro morwako lewni mang’angni ochung’ e nyima,

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 3:3

Kane oneno Petro gi Johana kadonjo e Hekalu, ne okwayogi mondo gimiyee gimoro.

Tich Joote 3:4

Ne ging’iyo wang’e tir, mi Petro owachone ni, “Ng’iwa ane!”

Tich Joote 4:13

Kane jobura oneno chir ma Petro gi Johana nigo, to gin mana ji ajia ma ok osomo, ne giwuoro ahinya. Eka ne gifwenyo ni yande giwuotho gi Yesu.

Tich Joote 5:25

To ng’at moro nobiro, mowachonigi niya, “Joma nyoro uketo e jela kande, aneno kochung’ e Hekalu, kapuonjo ji.”

Tich Joote 8:14

Kane joote man Jerusalem owinjo ni jo-Samaria oseyie Wach Nyasaye, ne gioronigi Petro kod Johana,

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.