Tich Joote 28:4 - MUMA MALER 2015

⁴ Kane joma odak e chulano oneno ka thuol omoko e lwet Paulo kamano, ne giwacho niya, “Nyaka bed ni jali osenego ng’ato, to kata obedo ni osetony mak otho e nam kamano, to Nyasachwa makare ok noweye okwo!”

Motingʼo Loko Manyien

⁴ Kane jo-chulano oneno ka thuol oliero e lwet Paulo, ne giwuoyo kendgi kagiwacho niya, “Ngʼatni nyaka bed ni en janek, mano emomiyo kata obedo ni osetony e nam, to bura mar tho mongʼadne pod luwe.”

Tich Joote 28:4 ပူးပေါင်းရင်းမြစ်များ

Chakruok 3:1

Thuol ne riek moloyo le duto mane Ruoth Nyasaye osechueyo. Nopenjo dhako niya, “Bende en adieri ni Nyasaye nowacho ni kik ucham olemb yath moro amora manie puodhoni?”

Ngeche 28:17

Ng’at ma oneko, ochomo mana kar joma otho. Omiyo ng’ato kik geng’e.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 43:20

Le mae thim, kaka bwe kod udo nogona erokamano, nikech abiro kelo pi e piny motwo, mi alos yore e piny motimo ongoro, mondo joga moyier oyud pi mamodho.

Zefania 2:15

Ji nopenjre niya, “Koro ma e dala mane mor, kendo ogeno kuom lochne cha adier? Koso en e dala mane sungore e chunye kawacho niya, ‘Anie kende, kendo onge moro maromo koda’? To koro okethore chuth, mi olokore mana kama le mae thim ema odakie, kendo ng’ato ang’ata ma kadho kanyo wuoro, ka tang’o lwete.”

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Mathayo 27:25

To ji duto nodwoko niya, “Rembe mondo obed e wiwa, kendo e wi nyithindwa.”

Luka 13:2

Yesu nodwokogi niya, “Uparo ni jo-Galili noneno masira malit kamano nikech ne gin joma richo moloyo jo-Galili mamoko duto koso?

Luka 13:4

Koso uparo ni ji apar gaboro mane ohinga mar Siloam opodho kuomgi, mi onego kande, ne joketho moloyo jo-Jerusalem mamoko duto koso?

Johana 7:24

Mano omiyo kik ung’ad bura kurango mana gik ma oko, to ng’aduru bura mana gi adiera.”

Tich Joote 28:2

kendo joma odak kuno notimonwa ng’wono mokadho. Koth ne osechako chue, kendo koyo ne ng’ich, omiyo ne gimoko mach mi girwakowa maber waduto.

Tich Joote 28:3

Paulo nomodo yien moko mi oketo e mach, eka thuol nowuok e yien-go nikech liet mar mach, mi okayo lwete kendo omokoe.

Tich Joote 28:5

To Paulo noteng’o thuondno e mach ma ok otime gimoro.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”