Tich Joote 28:21 - MUMA MALER 2015

²¹ To ne gidwoke niya, “Pok wayudoe barua moro moa Judea mawuoyo kuomi, to bende onge owetewa moko mosea kuno, mi obiro onyisowa wach moro marach kuomi.

Motingʼo Loko Manyien

²¹ Negidwoke niya, “Wan pok wayudo baruwa moro amora moa Judea ma wuoyo kuomi, kendo kata mana owete manyocha oa kuno machiegni pok okelonwa wach moro, kata wacho pok giwachonwa gimoro misetimo marach.

Tich Joote 28:21 ပူးပေါင်းရင်းမြစ်များ

Wuok 11:7

To jo-Israel biro bedo gi kue, ma kata mana guok ok nogue dhano kata chiayo.’ Kamano unung’e ni Ruoth Nyasaye oketo pogruok e kind jo-Misri gi jo-Israel.

Isaya 41:11

Koro neuru! Jogu duto ma mon kodu wigi biro kuot, mi gidhier nono. Adier, jogo duto ma kedo kodu norum mi lal nono.

Isaya 50:8

bende ang’eyo ni ng’at ma biro pogo wachna kare ni buta. Kuom mano, ng’at ma hedhore piem koda mondo obi waradi! Adier, ng’at ma dwaro kwero wechena mondo owuog ane!

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Tich Joote 22:5

Jadolo maduong’ kaachiel gi buch jodongo duto nyalo nyiso ni awacho adier, nikech ne gimiya barupe ma gindiko ni jo-Yahudi wetena man Damaski, mi ne awuok mondo adhi kuno amak joma luwo Yorno akel Jerusalem kotue mondo osandi.

Tich Joote 28:14

Kuno ne wanwang’oe owete moko, mi okwayowa mondo wabed kodgi kuom ndalo abiriyo. Mano e kaka ne wawuotho, mwachopo Rumi.

Tich Joote 3:17

Eka Petro nodhi nyime kowacho ni, “To koro un jowetena, ang’eyo ni un kaachiel gi jodongu, ne utimo ni Yesu kamano ka ok ung’eyo gima utimo.

Jo-Rumi 9:3

Dayie mondo an awuon Nyasaye okweda, mi gola kuom Kristo, kapo ni mano dikonygi.