Tich Joote 28:20 - MUMA MALER 2015

²⁰ Mano emomiyo aseluongou mondo alos kodu, nimar otueya gi nyororoni mana nikech ageno kuom Jal ma jo-Israel duto bende ogeno kuome.”

Motingʼo Loko Manyien

²⁰ Mano emomiyo asekwayo mondo ubi awuoye kodu matin. En mana nikech geno mar jo-Israel emomiyo otweya gi nyororo.”

Tich Joote 28:20 ပူးပေါင်းရင်းမြစ်များ

Jeremia 40:1

Ruoth Nyasaye nowuoyo gi Jeremia kane Nebuzaradan jatend lweny maduong osegonye Rama. Nosetere kuno kotueye gi nyororo kaachiel gi jomoko duto mane ogol Jerusalem gi Juda, kitero e tuech Babulon.

Tich Joote 10:29

Emomiyo ka nyocha uluonga, to abiro abira ma ok amino wach. To koro apenjou ni, ere gima ne omiyo uluonga?”

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Tich Joote 21:33

Jaduongno nodhi ir Paulo, mi omake, kendo ogolo chik mondo otweye gi nyoroche ariyo. Eka ne openjo ji ni, “En ng’a? To ang’o ma osetimo?”

Tich Joote 23:6

To kane Paulo oneno ni jomoko kuom joburano gin jo-Farisai, to moko jo-Sadukai, nokok niya, “Owetena, an ja-Farisai, wuod ja-Farisai. Koro odonjna kaeri nikech ayie ni joma otho nochier!”

Tich Joote 24:15

Ayie kuom Nyasaye, kageno ni ji duto, mabeyo kod maricho, nochier mana kaka gin bende gigeno.

Tich Joote 26:29

Eka Paulo nodwoke ni, “Alamo Nyasaye ni kata da kinde bed matin kata malach, to in kod ji duto mawinjo wechena kawuonogi, ubed kaka an, mak mana ni kik tueu gi nyororogi.”

Tich Joote 28:17

To bang’ ndalo adek, Paulo noluongo jodong jo-Yahudi modak kuno kanyakla. Kane gisechokore nowachonigi niya, “Owetena, kata obedo ni ne ok atimo gimoro marach ni ogandawa, kendo ne ok aketho chikwa mane kwerewa oweyonwa, to ne otweya e jela Jerusalem, kendo bang’e ne ochiwa e lwet jo-Rumi.

Jo-Efeso 3:1

Mano emomiyo an Paulo, ng’at motue mar Kristo Yesu nikech un joma ok jo-Yahudi, agoyo chonga piny mondo alem.

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Efeso 6:20

ma an jaotene, kata an ng’at ma otue kamano. Adier, lemnauru mondo awuo kuome gi chir kaka owinjore awuo.

Jo-Filipi 1:13

nimar askeche ruoth duto, kod jomoko man kaeri, ong’eyo ratiro ni an e tuech nikech an jatich Kristo.

Jo-Kolosai 4:18

An Paulo andiko mosni gi lweta awuon niya, “Amosou to paruru nyororo motueyago. Ng’wono mar Nyasaye obed kodu.”

2 Timotheo 1:10

To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

2 Timotheo 2:9

Wach Maberno ema omiyo isanda kendo itueya gi nyororo ka ng’at motimo gik maricho. To wach Nyasaye ok nyal tue!

Filemon 1:10

asayi kuom wach nyathina Onesimo, mane odoko wuoda ka an e od tuech ka.

Filemon 1:13

Da ahero mondo obed koda ka okonya kaeri, e kinde ma anie tuech nikech Injili ni.