Tich Joote 27:42 - MUMA MALER 2015

⁴² Askeche ne dwaro nego joma otue, ni mondo kik moro kuomgi go abal, wuog oko, mi tony.

Motingʼo Loko Manyien

⁴² Jolweny ne dwaro nego joma otwe mondo ogengʼ gi kik gigo abal mi giring gitony.

Tich Joote 27:42 ပူးပေါင်းရင်းမြစ်များ

Zaburi 74:20

to par singruok mane itimo kodwa. Kuonde duto motimo mudho e piny opong’ gi timbe mahundu.

Ngeche 12:10

Ng’at maber rito jambe gi ng’wono. Ng’at marach to sando jambe asanda.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Tich Joote 12:19

Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.

Tich Joote 27:24

mi owacho niya, ‘Paulo, kik ibed maluor! Nyaka ichung’ e nyim Kaisar, kendo Nyasaye oseyie kuom ng’wonone ni joma kwang’ kodi duto ok bi tho.’

Tich Joote 27:41

To notuomo lowo kama pi thanythanyie, mi yoka wiye omoko matek, ma ok nyal ng’ingni. Eka apaka nogoyo yoka bang’e, mi oturo matindotindo.

2 Jo-Korintho 11:26

E wuodhena mang’eny pile ne aneno masiche e aore, kendo nayudo thagruok kuom jomecho, kendo kuom jo-Yahudi wetena kod kuom joma ok jo-Yahudi. Bende ne aneno masiche e mier, gi thim, gi nembe, kendo kuomowete mag miriambo.