Tich Joote 27:41 - MUMA MALER 2015

⁴¹ To notuomo lowo kama pi thanythanyie, mi yoka wiye omoko matek, ma ok nyal ng’ingni. Eka apaka nogoyo yoka bang’e, mi oturo matindotindo.

Motingʼo Loko Manyien

⁴¹ To gikanyo yie notuomo kuoyo mathany-thany momoko ti. Eka yo ka wiye nomako matek ma ok nyal yukni, kendo apaka nogoyo yo kachien yieno mi obarore matindo tindo.

Tich Joote 27:41 ပူးပေါင်းရင်းမြစ်များ

1 Ruodhi 22:48

Jehoshafat nohondho yiedhi madongo machal gi mago mane dhi Tarshish, mondo oomgo dhahabu Ofir. To ne ok gidhi, nikech ne gibarore mana Ezion-giber.

2 Weche mag Ndalo 20:37

Eka Eliezer wuod Dodavahu ma ja-Maresha nokoro wach marach kuom Jehoshafat niya, “Ruoth Nyasaye biro ketho gima useloso, nikech isetimo winjruok gi Ahazia.” Kamano yiedhi nobarore, ma ok nyal dhi Tarshish.

Ezekiel 27:26

Kane jokwang’ magi oteri e chuny nam, yamb yo wuok chieng’ nogoyi, moketi kuma bor gi dhowath.

Ezekiel 27:34

To koro, ibarori e nam, mi isiko e nam matut. Mwanduni kod joma ne tiyoni, duto oselal nono e nam kaachiel kodi.”

Tich Joote 27:17

Kane jotich yie oseting’e malo, ne gikawo tonde mi gitweyogo yie maduong’ alwora mondo kik barre. To kaka ne giluor ni dipo ka yie oterogi e kuoyo manie dhonam Afrika kama thanythany, ne giloro tanga mi giweyo yamo otero yie atera.

Tich Joote 27:30

Jokwang’ koro ne dwaro tony weyo yie, omiyo ne giloro yie matin e pi, ka giriasore ni gidwaro bolo rachungini moko yoka wi yie.

Tich Joote 27:40

Kuom mano ne ging’ado tonde motuego rachungini, mi giweyo rachunginigo osiko e nam, to bende ne gigonyo tonde mamoko ngayi. Eka ne giywayo tanga yoka wi yie, mi yie ochako ng’uech, kochiko dhowath.

Tich Joote 27:42

Askeche ne dwaro nego joma otue, ni mondo kik moro kuomgi go abal, wuog oko, mi tony.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.