Tich Joote 27:34 - MUMA MALER 2015

³⁴ Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

Motingʼo Loko Manyien

³⁴ Koro yieuru koda mondo uchamie gimoro matin mondo ubed mangima. Awachonu ni onge ngʼato kata achiel kuomu mabiro wito kata mana yie wiye achiel.”

Tich Joote 27:34 ပူးပေါင်းရင်းမြစ်များ

1 Ruodhi 1:52

Solomon nowacho ni, “Ka timbene nonyiswa ni en ng’ama kare, to onge kata yie wiye achiel ma nolwar piny. To ka noyud kuome ketho moro, to nonege!”

Mathayo 10:30

To un kata mana yie wiu duto bende osekwan!

Mathayo 15:32

Yesu noluongo jopuonjrene, mowachonigi niya, “Akecho jogi, nikech gisebet koda kuom ndalo adek, to koro gionge chiemo. To ok adwar weyogi gidog ka gidenyo kamano, nimar dipo ka nong’no oterogi e yo.”

Luka 12:7

To un, kata mana yie wiu duto bende osekwan. Kuom mano, kik ubed maluor, nikech un uloyo winy ndalo mang’eny.

Luka 21:18

To kata kamano, onge kata yie wiu achiel ma nolal.

Tich Joote 27:33

To kane piny koro dwaro yawore, Paulo nokwayogi giduto mondo gichiem, kowachonigi niya, “Usebedo ka chunyu chandore kuom ndalo apar gang’wen, kendo kuom ndalogo duto ok usechamo gimoro.

Jo-Filipi 2:5

Paro mae chunyu nyaka bed machal gi paro mane Kristo Yesu nigo:

1 Timotheo 5:23

Ok onego imodh mana pi kende, to madh divai matin mondo okonyni iyi, nikech midekre ma in-go pile.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.