Tich Joote 27:22 - MUMA MALER 2015

²² To koro akwayou ni mondo ubed gi chir! Onge kata ng’at achiel kuomu mabiro tho, to mak mana yie ema biro kethore.

Motingʼo Loko Manyien

²² To koro akwayou ni umed bedo gi chir, nikech kata ngʼat achiel kuomu ok bi tho, makmana yie kende ema biro kethore.

Tich Joote 27:22 ပူးပေါင်းရင်းမြစ်များ

Ezra 10:2

Eka Shekania wuod Jehiel, jaka Elam nowacho ni Ezra niya, “Waseketho e nyim Nyasachwa kuom kendo nyi joma ok jo-Yahudi, ma koro odak e pinyni. To kata ka wasetimo kamano, jo-Israel pod nigi geno.

Ayub 2:4

To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Zaburi 112:7

Ok oluoro winjo weche makelo kuyo, nikech yie ma en go otegno, kendo ogeno kuom Ruoth Nyasaye.

Tich Joote 23:11

Otienono, Ruoth Yesu nobiro mochung’ but Paulo, kendo owachone niya, “Bed gi chir! Kaka isehulo ni ji wach kuoma e Jerusalem kaeri, e kaka ibiro dhi hulo e Rumi bende.”

Tich Joote 27:25

Kuom mano owetena, beduru gi chir, nikech ang’eyo ni Nyasaye biro timo mana kaka osewachona.

Tich Joote 27:31

To Paulo nowacho ni jatend lweny kod askeche niya, “Ka jogi ok osiko e yie, to un uwegi ok unyal resoru.”

Tich Joote 27:34

Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

Tich Joote 27:36

Chuny jogo noduogo, kendo ng’ato ka ng’ato kuomgi nochiemo.

Tich Joote 27:44

eka mondo joma odong’ oluw bang’gi, ka moko omako bepe, to moko omako mberni mobarore kuom yie. Kamano e kaka ne watony waduto, mi wachopo e lowo.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.