Tich Joote 27:20 - MUMA MALER 2015

²⁰ Kuom ndalo mathoth ne ok wanyal neno wang’ chieng’ kata sulue, kendo yamo nomedo kudho matek, mi geno mane oyudo wan-go ni dipo koreswa norumo chuth!

Motingʼo Loko Manyien

²⁰ Kuom ndalo mangʼeny, ne ok wanyal neno wangʼ chiengʼ kata sulwe, kendo yamo nomedo kudho matek mi geno duto mane oyudo wan-go ni dipo koreswa norumo chuth.

Tich Joote 27:20 ပူးပေါင်းရင်းမြစ်များ

Zaburi 105:28

Nyasaye ne ooro mudho e piny, mi piny olil ti, to kata kamano jo-Misri ne ok odewo chikene.

Isaya 57:10

Kata obedo ni ne iol gi wuoth mabor kamano, to ne ok iwacho niya, “Gima atimoni onge gi tiende.” Ne ineno ka tekoni oduogo, mi ok inyisori.

Jeremia 2:25

Un jo Israel kik uwe tiendeu dok malit, kata kik uwe dwondu two, kuringo bang’ nyiseche manono. To uwacho niya, ‘Ok wanyal konyo. Wasehero nyiseche mamoko, kendo nyaka waluwgi!’

Ezekiel 37:11

Nyasaye nowachona niya, “Wuod dhano, jo-Israel chalo mana gi chokego. Giwacho ni gitwo kururu, kendo ni gionge gima gigeno.

Jona 1:4

To Ruoth Nyasaye nomiyo yamo okudho matek e nam, mi ahiti mager ne dwaro ketho yie.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Tich Joote 27:19

to orue machielo gin giwegi ne giwito kata mana moko kuom gik michikogo yie.

Tich Joote 27:21

Koro kane gisedak kuom ndalo mang’eny ka ok gichiem, Paulo nochung’ e nyimgi mowachonigi niya, “Owetena, dinyocha uwinj wachna, mi wawe kwang’ waa Krete, to da ok wanwang’o masirani, kendo gik moko da ok olal kama.

2 Jo-Korintho 11:25

Bende jo-Rumi nogoya gi ludhe didek, kendo ne ogoya gi kite dichiel. Yie nobarorena e nam nyadidek, kendo ne ariyo e chuny nam odiechieng’ gotieno.

Jo-Efeso 2:12

Bende paruru ni e kindego ne uonge gi Mesia. Ne ok un e kanyakla mar oganda jo-Israel. Kamano ne ok un kuom joma Nyasaye otimogo winjruok, kosingore ni obiro guedhogi, kendo ne udak e pinyni ka uonge gi geno, kendo ka uonge gi Nyasaye.

1 Jo-Thesalonika 4:13

Owetewa, wadwaro ni mondo ung’e wach man kuom joma osetho, mondo kik ubed gi kuyo ka joma onge geno.