Tich Joote 26:31 - MUMA MALER 2015

³¹ kendo kane gisea, ne gipimo wach kendgi niya, “Ng’atni ok otimo gimoro mowinjore gi tho kata gi tuech.”

Motingʼo Loko Manyien

³¹ Negia e odno, kendo sa mane gidhi negiwuoyo kendgi kagiwacho niya, “Onge gima ngʼatni timo marach mowinjore gi tho kata tere e od twech.”

Tich Joote 26:31 ပူးပေါင်းရင်းမြစ်များ

2 Samuel 24:17

Kane Daudi oneno malaika mane nego ji, nowacho ni Ruoth Nyasaye niya, “An e jakwath moseketho, kendo an ema asetimo gima rach. To ere rach ma ogandani osetimo? Akwayi ni an ema mondo ikuma kod dhoodwa.”

Jeremia 26:16

Kane jodongo gi ji duto owinjo wechego, ne giwacho ni jodolo gi jonabi niya, “Ng’atni ok owinjore ng’adne buch tho, nikech osewuoyo mana kodwa e nying Ruoth Nyasaye ma Nyasachwa.”

Luka 23:4

Bang’ mano, Pilato nowacho ni jodolo madongo kod joma nochokore duto ni, “Ok ayudo jali gi ketho.”

Tich Joote 23:29

mi anwang’o ni onge gima ne osetimo momiyo onego ng’adne buch tho, kata buch tuech. To gik mane odonjnego ne mana weche mag chikgi giwegi.

Tich Joote 23:9

Koko nomedore, kendo moko kuom jopuonj Chik manie kanyakla mar jo-Farisai nochung’ mowuoyo matek kawacho niya, “Ok wane gima rach kuom ng’atni! Dipo ka Roho kata malaika owuoyo kode!”

Tich Joote 25:25

To an ne anwang’o ni onge gima rach mosetimo mowinjore gi tho. To kaka en owuon nokwayo buch Kaisar, ne aneno ni mondo aore e nyim Kaisar.

Tich Joote 28:18

To kane jo-Rumi osenona, ne gidwaro gonya, nikech ne ginwang’o ni onge gima asetimo mowinjore gi buch tho.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.