Tich Joote 26:24 - MUMA MALER 2015

²⁴ To kane Paulo oyudo dwoko wach kamano, Festo nokokne niya, “Paulo, neko omaki! Puonjruok mang’eny osemiyi neko.”

Motingʼo Loko Manyien

²⁴ Kane Paulo dhi nyime gi wuoyo kamano, Festo nokok matek niya, “Wiyi okethore, Paulo! Somo misomo mangʼeny oseloki janeko!”

Tich Joote 26:24 ပူးပေါင်းရင်းမြစ်များ

2 Ruodhi 9:11

Kane Jehu owuok, modok ir jodong ruodhe, ne gipenje niya, “Ere wach? Janekono nobiro iri nang’o?” Nodwokogi niya, “Ung’eyo kaka ng’atno wuoyo!”

Jeremia 29:26

‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Mariko 3:21

Kane owetene owinjo wachno, ne giwuok mondo gidhi giome, nikech ji ne wacho ni neko osemake.

Johana 7:15

Jodong jo-Yahudi nowuoro, kawacho ni, “Ere kuma ng’atni oyudoe rieko makama, to ok osomo?”

Johana 8:48

Eka jo-Yahudi nowacho ni Yesu ni, “Donge wan kare kwawacho ni in ja-Samaria, kendo ni jachien ni kodi?”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

Tich Joote 17:32

Kane giwinjo kaka Paulo wuoyo kuom tho mar joma otho, moko kuomgi nojare, to moko nowachone ni, “Yie iwachnwae wachni kendo, mondo wawinji.”

Tich Joote 22:1

“Owetena gi wuonena, winjuru ane weche ma anyisougo ni ok asetimo gimoro marach.”

Tich Joote 24:25

To kane Paulo odhi nyime kawuoyo kuom bedo makare, kendo kuom ritruok, kod Chieng’ Bura mabiro, Feliks nodoko maluor, mi owacho ni, “Koro dogi, to chieng’ moro nachak aluongi ka ayudo thuolo.”

Tich Joote 24:27

Bang’ higni ariyo, Porkio Festo nodoko ruoth kar Feliks. To kaka Feliks ne dwaro mondo jo-Yahudi one ni en ng’ama ber, noweyo Paulo e jela.

Tich Joote 26:11

Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

1 Jo-Korintho 1:23

Wan to walando wach Kristo mane ogur e msalaba. En wach ma chwanyo chuny jo-Yahudi, to joma ok jo-Yahudi to kwane ka wach mofuwo.

1 Jo-Korintho 4:10

Neuru kaka wan joma ofuwo nikech Kristo, to un, un joma riek kuom Kristo! Wan joma nyap, to un utek. Un omiu duong’ ahinya, to wan ochawa!

2 Jo-Korintho 5:13

Ka neko omakowa, to en nikech Nyasaye, to ka parowa ni kare, to en nikech un,

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.