Tich Joote 26:20 - MUMA MALER 2015

²⁰ Mokwongo nanyiso joma odak Damaski kendo modak Jerusalem kod joma odak e piny Judea duto, ni nyaka gilokre giwe richogi giduog ir Nyasaye, kendo gitim gik manyiso ni giselokore. Eka ne anyiso joma ok jo-Yahudi bende kamano.

Motingʼo Loko Manyien

²⁰ Mokwongo ne anyiso joma nodak Damaski kendo joma odak Jerusalem nyaka joma odak Judea duto kaachiel gi joma ok jo-Yahudi ka ayalonegi mondo gilokre giwe richo kendo gidwog ir Nyasaye, mondo ginyis ni giseweyo richo adier gi kit ngimagi.

Tich Joote 26:20 ပူးပေါင်းရင်းမြစ်များ

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Ywagruok 3:40

Ber wanon timbewa, kendo wapar ane kaka gibet, eka wadog ir Ruoth Nyasaye.

Hosea 12:6

Kuom mano, un nyikwa Jakobo, genuru kuom Ruoth Nyasachu, kendo udog ire. Beduru joadiera kendo joma timo gik makare, kendo keturu chunyu pile kuom Ruoth Nyasachu.

Hosea 14:2

Duoguru ir Ruoth Nyasaye, kendo kar kelone chiwo, to lameuru kama: “Wenwa richowa duto, kendo yie lemowa, mi wanapaki kaka wasesingore.

Mathayo 3:2

Ne owacho niya, “Lokuru chunyu, nikech Loch Polo chiegni.”

Mathayo 3:8

Timbeu ema mondo onyis ni uselokoru adier.

Mathayo 4:17

Chakre kindeno, Yesu nochako lando wach, ka nyiso ji niya, “Lokuru chunyu, nikech Loch Polo chiegni.”

Mathayo 9:13

Dhiuru mondo upuonjru tiend gima muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Ne ok abiro mondo aluong joma kare, to abiro mana ni mondo aluong joricho.”

Mariko 6:12

Kamano joote nodhi, molando wach ni ji mondo olokre owe richogi.

Luka 1:16

Enoduog jo-Israel mang’eny ir Ruoth Nyasachgi.

Luka 13:3

Ooyo, awachonu ni ka ok ulokoru uweyo richou, to uduto ubiro tho mana kaka ne githono!

Luka 13:5

Ooyo, anyisou ni ka ok ulokoru uweyo richou, to uduto ubiro tho mana kaka ne githono!”

Luka 15:10

Akonu ni, kamano bende e kaka malaika mag Nyasaye bedo mamor kuom jaricho achiel molokore.”

Luka 15:7

“Koro akonu ni, kamano bende e kaka mor nobedi e polo kuom jaricho achiel molokore, moloyo mor ma nobed kuom ji piero ochiko gochiko mabeyo, maparo ni ok onego lokre.

Tich Joote 11:18

Kane giwinjo wechego, ne giling’, mi gimiyo Nyasaye duong’, ka giwacho ni, “Kara joma ok jo-Yahudi bende Nyasaye oseyie mondo olokre, mi yud ngima.”

Tich Joote 15:19

Eka Jakobo nomedo wacho ni, “An aneno ni ok onego wachand joma ok jo-Yahudi ma olokore oyie kuom Nyasaye gi chike moko matindotindo.

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Tich Joote 2:38

To Petro nowachonigi niya, “Lokreuru, kendo ng’ato ka ng’ato kuomu nyaka batisi e nying Yesu kristo, mondo richou owenu, eka Nyasaye nomiu Roho Maler.

Tich Joote 20:21

Ne ahulo ni jo-Yahudi kod joma ok jo-Yahudi ratiro ni mondo gilokre giwe richogi giduog ir Nyasaye, kendo giyie kuom Ruodhwa Yesu.

Tich Joote 26:17

Anaresi e lwet jo-Yahudi, kendo e lwet joma ok jo-Yahudi, ma abiro ori kuomgi.

Tich Joote 26:19

“Kamano, Ruoth Agripa, ne ok adagi winjo wach fweny mane ayudo koa e polono.

Tich Joote 3:19

Mano omiyo, lokreuru uduog ir Nyasaye mondo richou oruchi,

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Tich Joote 9:35

Ji duto modak Luda gi Sharon nonene, mi olokore oyie kuom Ruoth.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

2 Jo-Korintho 3:16

To Muma wacho ni, ka ng’ato olokore ni Ruoth to rageng’no igolo.

2 Jo-Korintho 7:10

Kuyo ma ng’ato bedogo e yo ma Nyasaye dwaro, miyo olokore, kendo kelone warruok maonge ywago ang’e. Kuyo mar piny to kelo tho.

Jo-Efeso 4:17

Awachonu ka aramo e nying Ruoth, ni kik uwuoth kaka joma ok ong’eyo Nyasaye, ma parogi ni nono.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.

Fweny 2:21

Ne amiye kinde mondo olok chunye, to otamore weyo terruokne.

Fweny 2:5

Parie kama iseaye ka ipodho! Lok chunyi mondo itim gik mane itimo mokwongo. To ka ok iloko chunyi, to anabi mi agol tachi kare.

Fweny 3:3

Omiyo par ane gima ne opuonji, kendo mane iwinjo. Make, kendo ilok chunyi iwe richoni. To ka ok ichiew, to abiro poyi ka jakuo, ka ok ing’eyo sa ma abiroe.