Tich Joote 26:14 - MUMA MALER 2015

¹⁴ Waduto ne wagore piny, kendo nawinjo dwol kawuoyo koda gi dho Hibrania niya, ‘Saulo, Saulo, isanda nang’o? In ema ihinyori iwuon, nikech tek gweyo riwi machwowi!’

Motingʼo Loko Manyien

¹⁴ Ne wapodho piny waduto, eka ne awinjo dwol moro kawuoyo koda gi dho jo-Hibrania ni, ‘Saulo, Saulo, isanda nangʼo? Riwi mabith migweyono biro mana hinyi in iwuon.’

Tich Joote 26:14 ပူးပေါင်းရင်းမြစ်များ

Ngeche 13:15

Rieko mabith kelo luor. Ndhogruok to kelo masira.

Zekaria 12:2

“Anami Jerusalem chal gi agwata mar kong’o, ma ogendini mokiewo kode biro madho, mi kwang’ ka joma omer. Ka ogendinigo goyo ni Jerusalem ageng’a, to miech Juda bende giniluor.

Zekaria 2:8

Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Tich Joote 21:40

Jaduong’ lweny noyiene, omiyo nochung’ e raidhi, mi oting’o lwete ni ji. Kane giseling’, nochako wuoyo kodgi gi dhogi giwegi kowacho niya,

Tich Joote 22:2

Kane giwinjo kowuoyo kodgi gi dho Hibrania kamano, ne giling’ thi, mi Paulo nodhi nyime kowacho niya,

Tich Joote 26:13

To ruoth Agripa, kane an e yo adhi godiechieng’, ne apo ka aneno ler mang’ang’ni moloyo wang’chieng’, karieny koa e polo, mi olwora kaachiel gi joma ne wan-go.

Tich Joote 26:15

Eka ne apenjo ni, ‘In ng’a, Ruoth?’ Ruoth nodwoka ni, ‘An e Yesu misando.

Tich Joote 9:7

Joma ne nie wuoth gi Saulo nochung’ ka dhogi omoko, ka giwinjo dwol, to ok gine ng’ato!

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?